مرکزی سیکرٹری اطلاعات پاکستان تحریک انصاف احمد جواد نے کہا ہے کہ جنہوں نے ملکی معیشت اورادارے تباہ کئے وہ ٹی وی پر بیٹھ کر بھاشن جھاڑ رہے ہیں۔

تفصیلات کے مطابق مرکزی سیکرٹری اطلاعات پاکستان تحریک انصاف احمد جواد نےنون لیگی رہنماؤں کی پریس کانفرنس کا جواب دیتے ہوئے کہا کہ جس نے 5 سال میں معیشت کا جنازہ نکالا اسے نون لیگی وزیراعظم نے اسے اپنے جہاز میں بٹھا کر فرار کروایا۔

احمد جواد نے یہ بھی کہا کہ اہم قومی عمارتوں کو گروی رکھ کے قرضے لئے گئے اور قرض کی یہ رقم چرا کر ذاتی تجوریاں بھری گئیں۔

مرکزی سیکرٹری اطلاعات پاکستان تحریک انصاف احمد جواد کا کہنا تھا کہ موصوف قومی خزانے کو اربوں کا ٹیکہ لگانے کے باعث نیب تحقیقات کی زد میں ہیں۔

احمد جواد کا یہ بھی کہنا تھا کہ حتساب روک کر این آر او دے دیا جائے تو انکی بینائی لوٹ آئے گی اور این آر او مل جائے تو انہیں چاروں طرف خوشحالی دکھنا شروع ہوجائے گی۔

مرکزی سیکرٹری اطلاعات نے کہا کہ عوام پاکستان کے مستقبل کیلئے نہایت متحرک اور پرامید ہیں،عوام ٹیکس دیں گے اور چوروں سے قوم کی لوٹی گئی دولت کی واپسی میں بھی حکومت کا ہاتھ بٹائیں گے۔

احمد جواد نے یہ بھی کہا کہ مریم اورنگزیب معیشت سمجھتی ہیں نہ انہیں اقتصادی امور کا کوئی ادراک ہے،مریم اورنگزیب نے جس معیشت کا سبق پڑھا ہے اس میں کرپشن حلال اور چوری جائز تھی۔

مرکزی سیکرٹری اطلاعات پاکستان تحریک انصاف احمد جواد نے مزید کہا کہ تعمیر تو کیا خاک کرنا تھی مریم اورنگزیب کے محبوب قائد اور انکے سمدھی نے موٹرویز تک گروی رکھے، مریم اورنگزیب معیشت پر تبصرہ آرائی سے پہلے بغل میں بیٹھے “دیسی ارسطو” سے انکے کارناموں کا احوال دریافت کرلیں۔