صدر مملکت ڈاکٹر عارف علوی نے چمن میں دھماکے کی شدید مذمت کرتے ہوئے دھماکے میں جمعیت علماء اسلام (ایف) کے رہنما مولانا محمد حنیف سمیت دیگر شہادتوں پر گہرے دکھ اور غم کا اظہار بھی کیا ہے۔

وزیر اعظم عمران خان کی چمن میں دھماکے کی شدید مذمت کی اور ساتھ ساتھ دھماکے میں جمعیت علماء اسلام (ایف) کے رہنما مولانا محمد حنیف سمیت قیمتی جانوں کے ضیاع پر گہرے دکھ اور غم کا اظہارکیا ہے۔

وزیراعلیٰ جام کمال خان نے چمن دھماکے میں جے یو آئ کے رہنما مولانا محمد حنیف سمیت تین افراد کے شہید ہونے پر دکھ اور افسوس کا اظہار کیا ہے۔

وزیراعلیٰ کی پولیس اور ضلعی انتظامیہ کو ہدایت کرتے ہوئے کہا ہے کہ دہشت گردی کی بزدلانہُ کاروائ میں ملوث عناصر کو فوری قانون کی گرفت میں لایا جاۓ اور بم دھماکے کے زخمیوں کو علاج ومعالجہ کی بہترین سہولتیں دی جائیں۔

پی پی پی چیئرمین بلاول بھٹو زرداری نے چمن میں دہشتگرد دہماکے کی شدید الفاظ میں مذمت کی ہے۔

بلاول بھٹو زرداری کا دہماکے کے نتیجے میں مولانا محمد حنیف کی شہادت پر اظہارِ افسوس کیا اور چمن دھماکے کے زخمیوں کو بھتر علاج معالجے کی سہولیات فراہم کرنے کا مطالبہ بھی کیا ہے۔

اس موقع پر بلاول بھٹو زرداری کا کہنا تھا کہ نیشنل ایکشن پلان پر عدم عملدرآمد دہشتگردی کے لیئے ہمت افزائی کا موجب بن رہی ہے۔

ڈپٹی چیئرمین سینیٹ سلیم مانڈوی والا کی چمن دھماکے کی مذمت کی جبکہ دھماکے میں شہید ہونیوالے مولانا حنیف کے لواحقین سے اظہار تعزیت بھی کی ہے۔

سلیم مانڈوی والا نے احکامات جاری کئے ہیں کہ دھماکے میں زخمی ہونیوالے افراد کو فوری طبی امداد فراہم کی جائے۔

جے یو آئی کے رہنما مولانا فضل الرحمن نے کہاہے کہ چمن میں بم دھماکے کی شدید مذمت کرتے ہیں اورہدایت کی ہے کہ کارکن زخمیوں کی امداد کے لئے بھر تعاون کریں۔

اس موقع پر مولانا فضل الرحمٰن کا کہنا تھا کہیہ واقعہ ملک میں امن کے خلاف گھری سازش ھے اور مولانا محمد حنیف کی شھادت سے جے یو آئی مخلص راہنماء سے محروم ھوگئ ہے۔