پاکستان پیپلز پارٹی کے سینئر رہنما نثار کھوڑو نے کہا ہے کہ مراد علی شاہ سندھ کے وزیر اعلیٰ ہیں اور رہیں گے۔

تفصیلات کے مطابق صدر پی پی پی سندھ نثار کھوڑو نے پریس کانفرنس کرتے ہوئے کہا کہ وزیراعلی سندھ کی گرفتاری کی باتیں پہلائی جا رہی ہے اگر وزیراعلی سندھ گرفتارکیا گیا تو بھی پیپلز پارٹی کسی اور کو وزیراعلی نہیں بنائے گی۔

پاکستان پیپلز پارٹی کے سینئر رہنما نے کہا کہ نیب کے نوٹیسز وفاق میں بیٹھے دیگر لوگوں کو بھی مل رہے ہیں مگر گرفتاریوں کی باتیں پیپلزپارٹی کے لوگوں کی جا رہی ہیں اوراگر دیگر کو گرفتار نہیں کیا جا رہا تو پھر وزیراعلی سندھ کی گرفتاری کی باتیں بھی نہیں ہونی چاہیں۔

نثار کھوڑو نے وزیر اعظم عمران خان کی یو این جنرل اسمبلی میں تقریر کے حوالے سے کہا کہ انھوں نے کشمیریوں کے حق خود ارادیت سے متعلق گفتگو نہیں کی، عمران خان نے کہا تھا مودی آئے گا تو کشمیر کا مسئلہ حل ہو جائے گا۔

پاکستان پیپلز پارٹی کے سینئر رہنما کا کہنا تھا کہ عمران خان کا شہید بھٹو سے مقابلہ نہیں کرنا چاہتے ہیں، عوام پی ٹی آئی کی حکومت سے بے زار ہوچکے ہیں اور اب ملک میں پی ٹی آئی کی کوئی اہمیت نہیں رہی ہے۔

نثار کھوڑو کا یہ بھی کہنا تھا کہ کشمیر کا مسئلہ حل کرانا عمران خان کے بس کی بات نہیں ہے، عمران خان کی کشمیر کے متعلق صرف تقریر اور بیانات ہیں عملی طور پر عمران خان کشمیر کا سودہ کر بیٹھے ہیں۔

پاکستان پیپلز پارٹی کے سینئر رہنما نثار کھوڑو کا مزید کہنا تھا کہ اگر اس سال کے آخر تک عمران خان کو گھر نہیں بھیجا گیا تو احتجاج کا رخ اسلام آباد اور پنڈی ہوگا جس میں پیپلز پارٹی کے ساتھ نوازلیگ ،جے یو آئی اور دیگر جماعتیں بھی ساتھ ہونگی۔