کراچی میئر وسیم اختر نے کہا ہے کہ ٹیکس کا پیسہ کراچی میں خرچ نہیں ہوتا ،کراچی شہر پورے ملک کو چلاتا ہے۔

تفصیلات کے مطابق میئر کراچی وسیم اختر نے کلفٹن میں واقع ارب فاریسٹ پارک دورے میں میڈیا سے گفتگو کرتے ہوئے کہا کہ بھیک نہیں مانگ رہا،کراچی کو فنڈز چاہئیے۔

وسیم اخترکا کہنا تھا کہ آئین کی جب دھجیاں بکھیریں گے تو کمیٹیاں تو بنیں گی، وزیر اعظم صاحب نے ایک کمیٹی بنائی ہے جس کا سربراہ فرغ نسیم ہے۔

کراچی میئرکا یہ بھی کہنا تھا کہ میں نے ہر ضلع میں پارکس بنائے ہیں، اس شہر کو پیسے واپس چاہئے، اس سے قبل کراچی سےکچرا اٹھتا تھا۔

میڈیا سے گفتگو کرتے ہوئے وسیم اخترنے کہا کہ سڑکوں کا حال دیکھ لیں، ہم سب کو مل کرکراچی کے مسائل کو حل کرناہوگا۔

 وسیم اختر نے کہا کہ پتنگ ہمارا برینڈ ہے لیکن سیاست میں سب متحد ہیں، کوشش کرتے ہیں کہ کوئی ایسا کام نہ کریں جوغلطیاں ماضی میں ہوئیں۔

 کراچی میئرکا کہنا تھا کہ میرے خیال میں اس پارک کے حوالے سے کچھ اور تھا، باغ ابن قاسم ہم نے ایک سال میں تیار کیا تھا ۔

وسیم اخترکا یہ بھی کہنا تھا کہ درختوں کی کمی ہے اس طرح کے پارک سے بہتری آئے گی، جہاں انکو ضرورت ہوگی کے ایم سی پودے بھی فراہم کرے گی۔

کراچی میئر وسیم اختر کا مزید کہنا تھا کہ دو دفعہ پارک اپنی تحویل میں لینے سے بہتری اور پارک کے کام میں تیزی  بھی آئی،وسائل ہی نہیں ہیں میرے پاس ورنہ پارک تعمیر کرتا، اس پارک کی مالی تفصیلات بھی ہمیں فراہم کریں۔

اس موقع پراربن فاریسٹ کے سربراہ شہزاد قریشی نے میئر کراچی کو بریفنگ دئتے ہوئے کہا کہ جوغلط فہمیاں تھیں وہ دور ہو گئیں، ہم نےنالےکے ہانی کو فلٹرکرنےکا نظام بنایا ہوا ہے۔

شہزاد قریشی کا مزید کہنا تھا کہ پچاس ہزار درخت لگائیں گے،جتنےدرخت لگا سکتےہیں لگائیں گے،ہم نے بارہ ہزار پودوں کے پیسے لئے،ایک پودے کے نو سو پچاس روپے لیتے ہیں، اب تک ساٹھ ٹن بائیو ماس زمین میں دفن کرچکے ہیں، انہی پیسوں سے ہم پارک کو بہتر کرتے ہیں۔