وزیراعظم عمران خان نے کہا ہے کہ سعودی عرب کے ساتھ اب ہمارے رابطے اور تعلقات  پہلے سے بہت اچھے اور بہتر ہیں۔

تفصیلات کے مطابق سعودی عرب  دورے میں وزیراعظم عمران خان نے 40 رکنی پاکستانی وفد سے ملاقات ہوئی ، جس میں ڈاکڑ ،انجنئیر، صحافی  اور بزنس مین نے بھی شرکت کی۔

ملاقات میں مسئلہ کشمیر کو حل کرنے اور اوورسیز پاکستانیوں کو درپیش مشکلات کو حل کرنے سے متعلق تبادلہ خیال کیا گیا۔

عمران خان نے پاکستانی وفد سے خطاب کرتے ہوئے کہا کہ سعودی عرب اور ہمارے درمیان دونوں ممالک کے مختلف شعبوں میں سرمایہ کاری اور تعاون سمیت دیگر اہم امور پہلے سے بہتر ہو رہے ہیں۔

وزیراعظم کا کہنا تھا کہ یونائٹیڈ نیشن میں جانے سے پہلے محمد بن سلمان  کی خصوصی دعوت پر جدہ آئے، بھارت کے غیر آئینی اقدامات پر پہلے یونایئڈیٹ نیشن میں آواز بلند کرنے جا رہا ہوں اور اسکے بعد او آئی سی میں آئیں گئے۔

 اپنے خطاب میں وزیر اعظم نے کہا کہ ایران اور سعودیہ عرب کی کشیدگی کم کرنے میں پاکستان کردار ادا کرے گا۔

عمران خان کا کہنا تھا پاکستان کے اندر ہم سٹیٹس کو کے خلاف لڑ رہے ہیں اس وقت سٹیٹس کو سیاسی صحافی اور بیورکریٹ ہماری راہ میں رکاوٹ ہیں جو مزاحمت پیش کر رہےہیں۔

وزیراعظم کا یہ بھی کہنا تھا کہ پاکستانی کرنسی دن بدن بہتری کی طرف جا رہی ہیں ہم جن حالات میں ملک ملا وہ مشکل دور تھا اب حالات بہتر ہو رہے ہیں۔

وزیراعظم عمران خان کا یہ بھی کہنا تھا کہ اوورسیز پاکستانیوں کے لیے پاکستان میں درپیش مسائل حل کرنے لیے خصوصی عدالتیں اور پولیس سٹیشن قائم کئے جائیں گیے۔