بھارتی خلاف ورزیوں سے اسٹریٹجک غلط فہمی بڑے نقصان کی وجہ بن سکتی ہے، ڈاکٹر فیصل

عروبہ خان

07th Sep, 2019. 07:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی خلاف ورزیوں سے اسٹریٹجک غلط فہمی بڑے نقصان کی وجہ بن سکتی ہے، ڈاکٹر فیصل

ترجمان دفتر خارجہ ڈاکٹر فیصل نے خدشہ ظاہر کردیا ہے کہ بھارتی خلاف ورزیوں سے اسٹریٹجک غلط فہمی کسی بڑے نقصان کی وجہ بن سکتی ہے۔

ترجمان کے مطابق بھارتی ناظم الامور سے 6 ستمبر کو کھوئی رٹہ سیکٹر پر فائرنگ پر احتجاج کیا گیا، بھارتی فورسز نے جان بوجھ کر پر امن ریلی میں شریک شہریوں کو نشانہ بنایا۔

ترجمان دفتر خارجہ کے مطابق بھارتی ناظم الامور کو دفتر خارجہ طلب کر کے لائن آف کنٹرول پر سیز فائر کی خلاف ورزی پر شدید احتجاج کیا گیا، اس موقع پر بھارتی ڈپٹی ہائی کمشنر کو احتجاجی مراسلہ بھی تھمایا گیا۔

ترجمان دفتر خارجہ نے کہا کہ بھارتی فوج تسلسل سے شہری آبادی کو نشانہ بنا رہی ہے، بھارت کی جانب سے 2017 سے جنگ بندی کی خلاف ورزیوں میں تیزی آئی ہے، بھارت 2 سال میں 1970 بار جنگ بندی کی خلاف ورزی کر چکا ہے۔

انہوں نے کہا کہ بھارتی سیزفائر معاہدے کی خلاف ورزیاں علاقائی امن اور سلامتی کیلئے خطرہ ہیں، بھارت 2003 کے سیز فائر معاہدے کا احترام کرے، بھارتی سیز فائر کی خلاف ورزیاں کسی تذویراتی غلطی کی طرف لے جاسکتی ہیں۔