وزیرریلوےشیخ رشید احمد نے کہا ہے کہ جمعیت علمائے اسلام (ف) کے سربراہ مولانا فضل الرحمان

کو درمیانی راستہ دے دیا جائے۔

تفصیلات کے مطابق راولپنڈی میں میڈیاسے گفتگو کرتے ہوئےوزیرریلوےنے کہا کہ مولانا کواگر فیس سیونگ دینا پڑےتودے دینی چاہیئے۔

انہوں نے مولانافضل الرحمان پر تنقید کرتے ہوئے کہا کہ مسئلہ کشمیرسے مولانا فضل الرحمان کا کوئی واسطہ نہیں،وہ دوسال کشمیر تک کمیٹی میں رہے لیکن کچھ نہیں کیا۔

شیخ رشیدکاکہناہےکہ انہوں نےپہلے ہی کہاتھاکہ مودی بہت خطرناک ذہن رکھتا ہے وہ سلامتی کونسل کی مستقل ممبرشپ چاہتا ہے۔ایسے حالات میں مولانا فضل الرحمان کو مشورہ بھی دیا تھا۔

شیخ رشید نے کہاکہ لوگوں کومسلح لوگوں کے رحم و کرم پر نہیں چھوڑا جا سکتا، اگر کسی نے ایسا کیا تو قانون لازمی حرکت میں آئے گا۔

وزیرریلوےنے کہاکہ مولانا کو میڈیا نے دس کی جگہ سو ایم جی کی ہوا بھر دی ہے جو پھٹنے جا رہا ہے۔

انہوں نےکہاکہ ساری زندگی یہی سناکہ اپوزیشن وزیراعظم کا استعفیٰ ہی مانگتی رہی، مگر سزا لوگوں نے بھگتی،آٹا گھی چینی مہنگی ہونے کے ذمہ داری سابقہ حکومت پر ہے۔

شیخ رشیدکاکہناتھاکہ پاکستان کی سرحدوں پر فوجیں موجود ہیں کسلسٹر بم بھی استعمال ہو رہے ہیں۔ پاکستان کو اندر سے خطرہ ہے باہر سے نہیں۔

بھارت کوخبردار کرتے ہوئےشیخ رشیدنے کہا کہ ایٹم بم دیکھنے کیلئے نہیں بنایا، استعمال کرنے کیلئے رکھا ہے ضرورت پڑی تو استعمال بھی کریں گے۔