ڈی جی آئی ایس پی آر میجر جنرل آصف غفور نے کہا ہے کہ بھارت کے پاس بھارتی آرمی چیف کے غلط اور غیر حقیقی بیان کا کوئی ثبوت نہیں ہے۔

ترجمان آئی ایس پر آر کے مطابق سماجی رابطے کی ویب سائٹ ٹوئٹرپر ڈی جی آئی ایس پی آرمیجرجنرل آصف غفور نے اپنے ٹوئٹ میں کہا کہ بھارتیوں کے پاس اپنے آرمی چیف کے جھوٹے دعوے کو سچ ثابت کرنے کے لئے کوئی جواز نہیں اور دنیا کو دکھائیں گے کہ زمینی حقائق کیا ہیں۔

Indians have no grounds to support false claim made by their COAS. If they don’t want to go they have the option to share claimed targeted locations with our foreign office. We will take foreign diplomats & media tomorrow on those given locations. Let all see facts on ground. https://t.co/vaWaSymRbm

— DG ISPR (@OfficialDGISPR) October 21, 2019

میجرجنرل آصف غفور کا کہنا تھا کہ اگر بھارتی حکومت وہاں نہیں جانا چاہتی جہاں انہوں نے کیمپس پر حملے سے متعلق جھوٹ گھڑا ہے تو ان کے پاس ایک آپشن یہ بھی موجود ہے کہ وہ ہمارے دفتر خارجہ کے افسران کو جگہوں کا بتا دیں ہم عالمی میڈیا ، سفارتکاروں ان لوکیشنز پر لےجائیں گے۔

ڈی جی آئی ایس پی آرمیجرجنرل آصف غفور کا مزید کہنا تھا کہ ہم کل اس جگہ پر بین الااقوامی سفیروں اور صحافیوں کو لے جائینگے تاکہ دودھ کا دودھ اور پانی کا پانی سامنے آسکے۔

واضح رہے کہ گزشتہ روز بھی سماجی رابطے کی ویب سائٹ ٹوئٹرپر ڈی جی آئی ایس پی آرمیجرجنرل آصف غفور نے اپنے ٹوئٹ میں بھارتی میڈیا کوآڑے ہاتھوں لیتے ہوئے کہا کہ بھارتی میڈیا کے پاکستان میں مبینہ کیمپوں کو نشانہ بنانے کے تمام دعویٰ جھوٹ نکلے، بھارتی سفارتخانہ غیر ملکی سفیروں اور میڈیا کے ساتھ دورہ کرسکتا ہے۔

 ڈی جی آئی ایس پی آرمیجرجنرل آصف غفور نے کہا تھا کہ آزادکشمیرمیں دہشت گردوں کاکوئی کیمپ موجودنہیں، بھارتی فوج کا 3مبینہ کیمپ تباہ کرنے کا دعویٰ مایوس کن ہے۔