آمدن سے زائد اثاثہ جات کے الزام پر ن لیگی رہنما احسن اقبال کے خلاف نئی انکوائری کھول دی گئی ہے۔

تفصیلات کے مطابق آمدن سے زائد اثاثہ جات کے الزام پر ن لیگی رہنما احسن اقبال کے خلاف چئیرمین نیب نے نئی انکوائری کر نے کی منظوری دے دی ہے۔

ذرائع کے مطابق  نیب راولپنڈی کو احسن اقبال کے خلاف فوری طور پر انکوائری کا حکم دے دیا گیا ہے،جن کے خلاف پہلے بھی ناروال سپورٹس سٹی میں گھپلوں کی انکوائری چل رہی ہے۔

واضح رہے کہ قومی احتساب بیورو کی تفتیشی ٹیم نے نارووال سپورٹس سٹی منصوبے میں مبینہ کرپشن پراس سے قبل  ڈیڑھ گھنٹہ تک ن لیگ کے رہنما احسن اقبال سے تفتیش کی تھے ، مفصل اور با ضابطہ تحریری جواب کے لیے سوالنامہ احسن اقبال کے حوالے بھی کیا گیا۔

نیب ذرائع کے مطابق احسن اقبال پر حلقے میں اربوں روپے کےسپورٹس سٹی تعمیر کرکے قومی خزانے کو نقصان پہنچانے کا الزام ہے۔

ذرائع کا کہنا ہے کہ احسن اقبال نے خلافِ قانون 3 ارب روپےکامنصوبہ نارووال میں شروع کیا جبکہ نارووال میں سپورٹس سٹی کی تعمیر میں پاکستان اسپورٹس بورڈ نے بھی اختیارات سے تجاوزکیا۔

ان تمام الزامات کے بارے میں سابق وفاقی وزیراحسن اقبال کا کہنا تھا کہ ہم نے 5سال میں 700ارب ترقیاتی منصوبوں کی نگرانی سے بچائے، ایک ایک پیسے کو قوم کی امانت سمجھ کر دیانتداری سے خرچ کیا، رسم چل پڑی ہے ہر سیاستدان کو گنداکرو،چور بناؤ تاکہ کسی پر اعتماد نہ رہے