ترجمان رینجرز نے کہا ہے کہ کراچی کے مختلف علاقوں میں رینجرز نے کارروائیاں کرتے ہوئے 19 ملزمان کو گرفتارکرلیا ہیں۔

ترجمان رینجرز کے مطابق رینجرز نے عوامی کالونی میں کارروائی کے دوران 2 بھتہ خوروں کو گرفتار کیا جبکہ کورنگی، عوامی کالونی، گارڈن، عید گاہ اور فیروز آباد سے 13 ملزمان  کو بھی گرفتار کیا ہیں۔

ترجمان رینجرز کا کہنا تھا کہ کارروائی کے دوران الفلاح اور اتحاد ٹاؤن سے ڈکیتی اور غیر قانونی اسلحہ رکھنے پر 2 ملزمان کو گرفتار کیا جبکہ فیروز آباد سے بھی 2 منشیات فروشوں کو گرفتار کر لیا گیا ہیں۔

ترجمان رینجرز کا یہ بھی کہنا تھا کہ ملزمان ڈکیتی اور اسٹریٹ کرائم کی متعدد وارداتوں میں ملوث ہیں۔

واضح رہے اس سے قبل بھی سندھ رینجرز نے شہر کے مختلف علاقوں میں کارروائی کرتے ہوئے10ملزمان کو گرفتار کرلیا تھا۔

ترجمان رینجرز کا گرفتاری کے حوالے سے کہنا تھا کہ رینجرز نے  میر پور، سعودآباد اور چاکیواڑہ کے علاقوں میں کارروائی کرتے ہوئے 4 ملزمان کو گرفتارکیا گیا جبکہ بغدادی، سول لائن اور ڈاکس کے علاقوں میں رینجرز نے کارروائی کرتے ہوئے 3ملزمان کو گرفتار کیا ہیں جبکہ گڈاپ کے علاقے میں رینجرز نے کارروائی کے دوران 3 ملزمان کو گرفتار کیا گیا تھا۔

ملزمان میں عامر شیخ، شہزاد،سکندر ،فیاض، شکیل عرف ڈولے،شیر محمد عرف شیرو ،الطاس نور علی، فضل وادود اور عبدالواھاد شامل ہیں۔

علاوہ ازیں بلوچ کالونی کے علاقے میں بھی رینجرز نے کارروائی کرتے ہوئے 2 ملزمان محمد عقیل اور محمد آفتاب کو گرفتار کیا جوعلاقے میں منشیات فروشی کے کاروبار میں ملوث ہیں۔

ملزمان کے قبضے سے غیر قانونی اسلحہ،ایمونیشن،مسروقہ سامان اور منشیات بھی بر آمدکی گئی ہے اورتمام ملزمان کو قانونی کارروائی کیلئے پولیس کے حوالے کر دیا گیا ہے۔