سعودی عرب حادثے میں جاں بحق ہونے والوں میں پاکستانی بھی شامل ہیں، دفتر خارجہ

انور عباس

17th Oct, 2019. 09:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب حادثے میں جاں بحق ہونے والوں میں پاکستانی بھی شامل ہیں، دفتر خارجہ

ترجمان دفتر خارجہ ڈاکٹر فیصل نے کہا ہے کہ سعودی عرب میں پیش آنے والے ٹریفک حادثے میں جاں بحق ہونے والوں میں پاکستانی بھی شامل ہیں۔

تفصیلات کے مطابق ترجمان دفتر خارجہ ڈاکٹر فیصل نے سعودی عرب حادثے پر بیان جاری کرتے ہوئے کہا کہ ریاض سےمکہ جانیوالی بس میں39مسافرسوارتھے، بچ جانےوالے4مسافروں میں ایک پاکستانی شہری اکبر شامل ہے جبکہ جاں بحق ہونے والے35 افراد میں پاکستانی بھی شامل ہیں۔

ترجمان دفتر خارجہ کا کہنا تھا کہ پاکستانی سفارتی مشن کے3حکام رابطےکیلئےمتعین کردئیےگئے، جن میں عبد الشکور شیخ، مجید حسین اور طارق محمود شامل ہیں۔

ترجمان دفتر خارجہ ڈاکٹر فیصل کا مزید کہنا تھا کہ حادثے میں جاں بحق افراد کی صحیح تعداد اور دیگر تفصیلات جلد منظرعام پر آجائیں گی۔

واضح رہے گزشتہ روز سعودی عرب کے شہر مدینہ منورہ میں بس حادثے کا شکار ہو گئی تھی ،خطرناک ٹریفک حادثے کے نتیجے میں35 افراد ہلاک اور متعدد زخمی ہو گئے۔

حادثہ بس کے دوسری گاڑی سے ٹکرانے کے بعد پیش آیا، یہ حادثہ مدینہ منورہ سے 170 کلومیٹر دور ، اجالا گاؤں کے قریب شام سات بجے کے لگ بھگ ہجرہ روڈ پر اس وقت پیش آیا جب 39 مسافروں پر مشتمل نجی چارٹرڈ بس ایک لوڈر سے ٹکرا گئی تھی۔