اسلام آباد ہائی کورٹ کی جانب سےحکومتی فیصلےکےخلاف بڑاحکم جاری کردیاگیا۔

تفصیلات کےمطابق اسلام آباد ہائیکورٹ کے چیف جسٹس اطہر من اللہ نے سابق سینیٹر اور جے یو آئی (ف) کے رہنما حافظ حمد اللہ کی درخواست پر سماعت کرتے ہوئےسابق سینیٹراورجے یو آئی (ف) کے رہنماحافظ حمداللہ کی شہریت منسوخی کاحکم معطل کردیا۔

چیف جسٹس اسلام آباد ہائیکورٹ نےا ستفسار کیا کہ کیا حافظ حمد اللہ کے بچے بھی ہیں؟ کیا ان کے بچوں کے پاس بھی پاکستانی شناختی کارڈ ہے؟

نادرا کی جانب سے عدالت میں موقف اختیار کیاگیاکہ دسمبر 2018 میں پہلی بار حافظ حمد اللہ صاحب کو خط لکھ کر بلاک کیا تھااور ڈسٹرکٹ لیول کمیٹی کو آگاہ کیا تھا۔

نادرانےموقف اپنایاکہ حافظ حمد اللہ اس کمیٹی میں پیش ہوئے،ان  سے اس کمیٹی نےدستاویزات طلب کیں،جو دستاویزات حافظ حمد اللہ نے پیش کیں وہ بوگس نکلیں ۔

اسلام آبادہائیکورٹ کی جانب سےحکومتی فیصلےکےخلاف حکم امتناع بھی جاری کیاگیاہے۔عدالت نے نادراسے دوہفتوں میں جواب طلب کرلیا۔

سینیٹرحمداللہ کی جانب سےوکیل کامران مرتضیٰ عدالت میں پیش ہوئے۔ بعد ازاں کیس کی سماعت دوہفتوں کے لیے ملتوی کردی گئی۔

اسلام آبادہائیکورٹ نےاپنےحکم میں کہا ہےکہ نادرا یا وزارت داخلہ تاحکم ثانی حافظ حمد اللہ کے خلاف کوئی اقدام نہ کرے۔

واضح رہےکہ گزشتہ روز پیمرا نے ایک نوٹی فکیشن جاری کیا تھاجس میں بتایا گیا تھا کہ نیشنل ڈیٹا بیس رجسٹریشن اتھارٹی (نادرا) نے حافظ حمد اللہ کی شہریت منسوخ کردی ہے جس کے باعث پاکستان الیٹرانک میڈیا ریگولیٹری اتھارٹی (پیمرا) نے ان کی ٹاک شوز میں شرکت پر بھی پابندی عائد کردی تھی۔