بابا گرونانک کے ۵۵۰ ویں جنم دن کی تقریبات میں شرکت کے بعد آٹھ سو سکھ یاتری سندھ میں اپنے آبائی شہر پہنچ گئے۔

تفصیلات کے مطابق بابا گرو نانک کی جنم دن کی تقرییات میں شرکت کے بعد اسپیشل ٹرین کے ذریعے لاہور سے ساڑھے چار سو یاتری کراچی جبکہ دیگر اندرون سندھ کے مختلف شہروں میں واپس پہنچ گئے ہیں۔

اس موقع پر سینیٹر لال ڈین اور سکھ رہنمائوں نے سٹی اسٹیشن پر یاتریوں کا شاندار استقبال گیا جبکہ گورنر سندھ نے یاتریوں کو رخصت کیا تھا۔

ذرائع کا کہنا تھا کہ8 بوگیوں پر مشتمل اسپیشل سکھ ٹرین 800 سے زائد مسافروں کو لے کر سٹی اسٹیشن پہنچی۔

میڈیا سے گفتگو میں سکھ رہنماسرداررمیش سنگھ کا کہنا تھا کہ پاکستان میں اقلیتوں کو مکمل مزھبی آزادی اور تحفظ حاصل ہے، وزیراعظم کے شکر گزار ہے جنہوں نے سکھ یاتریوں کیلئے ان کی مذہبی رسومات ادا کرنے کیلئے خصوصی اقدامات کئے۔

واضح رہے کہ بابا گرو نانک کے 550 ویں سالگرہ کے موقع پر سکھ برادری کیلئے وفاقی حکومت کی جانب سے پہلی بار سکھ یاتریوں کیلئے کراچی سے خصوصی ٹرین سروس چلائی گئی تھی ۔

سکھ برادری بابا گرو نانک کا یوم ولادت مذہبی جوش و خروش سے منا ئی گئی۔ حکومت پاکستان اور پاکستان ریلوے کی جانب سے سکھ یاتریوں کے لیئے اسپیشل ٹرین کرتار پور روانہ ہوئے تھی۔ بابا گرو نانک کی سالگرہ کی مناسبت ے اسپیشل ٹرین کو خوبصورتی سے سجایا گیا تھا۔

اس موقع پر میڈیا سے گفتگو میں گورنر سندھ عمران اسماعیل نے کہا تھا کہ ہم نے سکھ اور ہندویاتریوں کے لیئے سرحد کھولی ہے۔ ہندوستان میں اقلیتیوں کے ساتھ ظلم ہوتاہے پاکستان میں اقلیتیوں کوگلے لگایا جاتا ہے اور برابرکے حقوق دیے جاتے ہیں۔

عمران اسماعیل نے کشمیریوں سے اظہار یکجہتی کرتے ہوئے کہا تھا کہ ہم کشمیری بھائیوں کو اکیلا نہیں چھوڑیں گے ، بھارتی فوج نے کشمیر میں ظلم وبربریت مچائی ہوئی ہے۔