اسلام آباد کے پمز ہسپتال میں سابق صدر آصف علی زرداری کا علاج جاری ہے جبکہ ڈاکٹروں نے گزشتہ روز لیے گئے ٹیسٹ کے نتائج کو تسلی بخش قرار دے دیا ہے۔

ذرائع کے مطابق سابق صدر آصف علی زرداری کا پمز ہسپتال اسلام آباد کے کاڈریک وارڈ میں علاج جاری ہے، چار رکنی میڈیکل بوڈر نے آصف زرادی کے ٹیسٹ کیے۔

ڈاکٹروں نے آصف زرداری کے گزشتہ روز ہونے والے ٹیسٹ بھی تسلی بخش قرار دے دیئے ہیں۔

سابق صدرآصف زرداری کا گزشتہ دن بلڈ ایکو ٹیسٹ کیا گیا جو کہ دل، شوگر، مہروں جیسے مسائل میں پہلے سے ہی مبتلا ہیں۔

ہسپتال ذرائع کا کہنا ہے کہ سآبق صدر کے آج مزید ٹیسٹ لیے جانے کا امکان ہے۔

میڈیکل بورڈ نے آصف زرداری کو دن میں دوبار الیکٹرک مساج چیئر کے استعمال کی ہدایت بھی کر دی ہے جبکہ ڈاکٹرز نے ہدایت کی کہ چکنائی اور نمک کا کم استعمال کیا جائے، مچھلی اور تھوڑی مقدار میں چکن بھی کھا سکتے ہیں۔

واضح رہے کہ سابق صدر کے طبی معائنے کے لیے چار رکنی میڈیکل بو رڈ تشکیل دیا گیا ، جس نے آصف زرداری کا بلڈ پریشر، شوگر ٹیسٹ کر وایا، ان کا بلڈ پریشر نارمل جب کہ شوگر لیول معمول سے کم نکلا۔

سا بق صدرآصف زرداری کو گردن اور مہروں میں شدید تکلیف کے ساتھ کم زوری اور دھڑکن بے ترتیب ہونے کی بھی شکایت ہے۔

دوسری طرف احتساب عدالت نے جعلی اکاؤنٹس کیس میں سابق صدر آصف زرداری اور فریال تالپور کے جوڈیشل ریمانڈ میں 12 نومبر تک توسیع کی ہے۔