پاکستان پیپلز پارٹی کے چیئرمین بلاول بھٹو زرداری نے کہا ہے کہ سندھ میں مفت اسپتال چل رہے ہیں ،کم وسائل کے باوجود نجی سیکٹرز سے مل کر سہولتیں مہیا کر رہے ہیں۔

تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے کراچی میں جناح اسپتال کا دورہ کرتے وقت میڈیا سے گفتگو کرتے ہوئے کہا کہ کراچی کا اسپتال ایک ایسی سروس مفت دے رہا جو دنیا میں نہیں ملتی، مجھے پرائیویٹ سیکٹر پر فخر ہے کہ غریب کا مفت علاج ہو رہا ہے۔

بلاول بھٹو زرداری کا کہنا تھا ہم سب نے مل کر عوام کے مسائل حل کرنے ہیں، سیاسی جماعتیں عوام کے مسائل پارلیمان سے حل کرنا چاہتے ہیں۔

پاکستان پیپلز پارٹی کے چیئرمین کا یہ بھی کہنا تھا کہ ہمیں وفاقی حکومت کو سمجھنا چاہیے یہ کرکٹ کا میچ نہیں، وزیر اعظم پر فرض ہے کہ عوام میں اتحاد پیدا کریں۔

بلاول بھٹو زرداری نے کہا کہ سیاسی جماعتیں اور ہر طبقہ احتجاج پر مجبور ہے، مجھے نہیں لگتا موجودہ حکومت اپنی مدت پوری کر پائے گی۔

پاکستان پیپلز پارٹی کے چیئرمین نے یہ بھی کہا ہم منتخب لوگ انتہائی قدم اٹھانے پر مجبور ہیں، ہم پارلیمان کو غیر سیاسی بنائیں گے، پاکستان میں پیپلز پارٹی نے ذمہ دارانہ کردار ادا کیا،

 پاکستان پیپلز پارٹی کے چیئرمین بلاول بھٹو زرداری کا مزید کہنا تھا کہ موجودہ حکومت کو مزید نہیں چلنے دیں گے، ملک میں مارشل لا لگا تو پی پی ماضی کی طرح کردار ادا کرے گی، جمہوریت واحد طریقہ ہے جس میں عوام کا اسٹیک ہوتا ہے۔