این ڈی ایم اے کی آزاد کشمیر زلزے پر نئی رپورٹ

شہباز احمد

04th Oct, 2019. 11:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

این ڈی ایم اے کی آزاد کشمیر زلزے پر نئی رپورٹ

آزاد کشمیر میں زلزلے سے تباہی کے باعث ہونے والے نقصانات پر این ڈی ایم اے کی جانب سے نئی رپورٹ جاری کردی گئی ہے۔

رپورٹ کے مطابق زلزلے کے نتیجے میں 39 افراد جاں بحق، 746 زخمی ہوئے جبکہ سرکاری و نجی عمارتوں کو بھی نقصان پہنچا ہے۔

چیئرمین این ڈی ایم اے لفٹیننٹ جنرل محمد افضل کی ہدایت پر 8 ٹیمیں فیلڈ میں ہیں جبکہ شیلٹر ٹینٹس، سکول ٹینٹس، صاف پانی اور راشن پیکٹس متاثرین تک پہنچا دیے گئے ہیں۔

دوسری جانب آزاد کشمیر کے وزیر ڈیزاسٹر مینجمنٹ اتھارٹی نے دعویٰ کیا ہے کہ میر پور میں زلزلے سے متاثرہ علاقوں میں ریسکیو کا 90 فیصد کام ہوگیا ہے۔

وزیر آزاد کشمیر نے کہا کہ محتاط انداز کے مطابق زلزلے سے 66ہزار مکانات کو نقصان پہنچا۔

ڈپٹی کمشنر میر پور کا کہنا ہے کہ نہر اپر جہلم پر متاثر ہونے والے پلوں کی مرمت نہیں کی جاسکتی، ان پلوں کی نئے سرے سے تعمیر کرنی ہوگی۔

ڈپٹی کمشنر نے مزید کہا کہ آزاد کشمیر کے ضلع میرپور کے تمام تعلیمی ادارے پیر سے کھلیں گے۔