آزاد کشمیر کی ایل او سی پر ایک بار پھر گولہ باری

بشارت مغل

10th Oct, 2019. 08:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آزاد کشمیر کی ایل او سی پر ایک بار پھر گولہ باری

مظفرآباد میں کنٹرول لائن نیلم دودھنیال سیکٹر میں قابض بھارتی افواج کی جانب سےایک بار پھر گولہ باری کی گئی۔

مقامی ذرائع کے مطابق کنٹرول لائن نیلم چانگاں گاؤں میں گولہ گرنے سے ایک بچہ شہید جبکہ 4 افراد شدید زخمی ہوئے ہیں۔

زخمی اور شہید ہونے والوں کا تعلق ایک ہی خاندان سے ہے۔

پاک فوج کے شعبہ تعلقاتِ عامہ (آئی ایس پی آر) کے مطابق بھارتی فوج نے برو ھ اورچری کوٹ سیکٹرز میں بلا اشتعال فائرنگ کی تھی جس کے نتیجے میں پاک فوج کے جوان نعمت ولی شہید ہو گئے تھے۔

بھارتی فائرنگ کے نتیجے میں 2 خواتین زخمی ہوئی ہیں جن کا تعلق سریاں گاؤں سے ہے جبکہ ایل او سی کے سیکٹرز پر بھارتی فوج کی بلا اشتعال فائرنگ کے جواب میں پاک فوج نے بھرپور کارروائی کی ہے۔

آئی ایس پی آر نے یہ بھی بتایا ہے کہ پاک فوج نے جوابی کارروائی کرتے ہوئے بھارتی چیک پوسٹوں کو نشانہ بنایا ہے اور بھارتی فوجیوں کو بھاری جانی نقصان پہنچنے کی اطلاعات ہیں۔