اپوزیشن کی جانب سےرہبرکمیٹی کااجلاس جاری ہے۔

تفصیلات کے مطابق اپوزیشن کی رہبرکمیٹی کااجلاس کنوینئراکرم خان درانی کی زیرصدارت ان رہائشگاہ پر ہو رہا ہے۔

رہبرکمیٹی اجلاس میں مسلم لیگ نواز کی جانب سے احسن اقبال شریک ہوئےجبکہ پیپلز پارٹی کی جانب سےاپوزیشن اجلاس میں فرحت اللہ بابر اور نیئر بخاری شریک ہیں۔

ذرائع کاکہناہے کہ اجلاس میں آزدای مارچ کے حوالے سے لائحہ عمل پرغورکیاجائےگاجبکہ اس موقع پر ن لیگ اورپیپلزپارٹی سمیت دیگراپوزیشن جماعتیں اپنانقطہ نظررکھیں گی۔

ذرائع کے مطابق جے یو آئی ف کی جانب سے پیپلز پارٹی اورن لیگ کے آزادی مارچ کے حوالے سے خدشات دورکرنے کی کوشش کی جائے گی۔ اس کےعلاوہ رہبرکمیٹی اجلاس میں اپوزیشن رہنمائوں کی گرفتاری اورعدالتوں میں زیرسماعت کیسزپربھی مشاورت ہوگی۔ اجلاس میں آزادی مارچ سے قبل اپوزیشن کی اے پی سی بلانے پرغورکیاجائےگا۔

ذرائع نےمزیدبتایاکہ اجلاس میں اپوزیشن جماعتیں جے یو آئی ف کی طرف سے اعتماد میں لیے بغیر مارچ کا اعلان کرنے پر وضاحت مانگیں گی۔

واضح رہے کہ پاکستان جمعیت علمائے اسلام ف کے سربراہ مولانا فضل الرحمان نے پاکستان تحریک انصاف کی حکومت خلاف آزادی مارچ کے شیڈول کا اعلان کیاہےجو کہ 27 اکتوبر کو شروع ہوگا۔

وفاقی دارالحکومت اسلام آباد میں پریس کانفرنس کرتے ہوئے مولانا فضل الرحمان نے حکومت کے خلاف مارچ کی تاریخ کا اعلان کیا۔انہوں نےکہا کہ ریلیاں جب اسلام آباد پہنچے گی تو ڈی چوک پر دھرنا دیا جائے گا۔ اگر حکومت نے رکاوٹیں پیدا کیں تو پلان اے، بی اور سی بھی تیار ہے۔

سیاسی رہنماء و جماعتیں فضل الرحمان کے دھرنےسے تومتفق مگر شرکت کا تاحال اعلان نہیں کیا گیا۔

پاکستان مسلم لیگ ن کی ترجمان مریم اورنگزیب نے کہا کہ شرکت کا فیصلہ پارٹی کریگی جبکہ پیپلزپارٹی رہنما مصطفیٰ کھوکھر نے کہا کہ معاملہ پارٹی کی کور کمیٹی میں ہے۔

جماعت اسلامی کے امیرسراج الحق نے کہا کہ ہمیں دعوت نہیں ملی، نیشنل پارٹی کے رہنماحاصل بزنجو نے کہاکہ گرفتاریاں ہونگی دھرنا نہیں ہوگا۔