فردوس عاشق اعوان نے کہا ہے کہ مقبوضہ جموں کشمیر میں کرفیو کو 2 ماہ سے زائد عرصہ ہو گیا ہے، وادی جنت نظیر جیل میں تبدیل اور کشمیریوں کا کاروبار زندگی مفلوج ہے۔

تفصیلات کے مطابق سماجی را بطے کی ویب سائٹ ٹو ئٹرپر اپنے ٹویٹ میں ڈاکٹر فردوس عاشق اعوان نے کہا ہے کہ بھارتی افواج انسانیت کی تذلیل کر رہی ہے، وزیراعظم عمران خان آج مقبوضہ جموں کشمیر کے مظلوموں کے ساتھ اظہار یکجہتی کرتے ہوئے انسانی ہاتھوں کی زنجیر بنائیں گے۔

ڈاکٹر فردوس عاشق اعوان نے کہا کہ چین نے کشمیر کو تاریخ کا متنازعہ مقدمہ قرار دے کر بھارتی موقف مسترد کردیا ہے، سلامتی کونسل کے مستقل رکن کا یہ اصولی موقف مقبوضہ جموں کشمیر کے عوام کے لئے مکمل یکجہتی کا اظہار ہے۔

چین نےکشمیرکوتاریخ کامتنازعہ مقدمہ قرار دےکربھارتی موقف مستردکردیا ہے۔سلامتی کونسل کے مستقل رکن کایہ اصولی موقف مقبوضہ جموں کشمیر کےعوام کےلئےمکمل یکجہتی کااظہار ہے۔یہ آئرن برادرزکی عظیم دوستی کامظہرہے۔مظلوم کشمیریوں کی بھرپورحمایت پرہم چین کی قیادت اورعوام کا شکریہ ادا کرتے ہیں۔

Advertisement

— Dr. Firdous Ashiq Awan (@Dr_FirdousPTI) October 11, 2019

وزیراعظم کی معاون خصوصی ڈاکٹر فردوس عاشق اعوان نے مزید کہا کہ یہ آئرن برادرز کی عظیم دوستی کا مظہر ہے، مظلوم کشمیریوں کی بھرپور حمایت پر ہم چین کی قیادت اور عوام کا شکریہ ادا کرتے ہیں۔

واضح رہے کہ مقبوضہ کشمیر میں بھارتی جبری تسلط کو آج 68 واں روز ہے، کشمیری عوام بدترین قیدیوں کی زندگی گزارنے پر مجبور ہیں۔جبکہ ہیومن رائٹس واچ  نے مقبوضہ کشمیر میں لاک ڈاؤن ختم کرنے کا مطالبہ  کردیا ہے۔

مقبو ضہ وادی میں قابض بھارتی فوج ظلم کے پہاڑ توڑ رہی ہے، نہتے کشمیری 68روزسے گھروں میں قید ہیں،بھارتی سپریم کورٹ کے حکم کے باوجود مقبوضہ وادی میں آج بھی نظام زندگی مفلوج ہے اور حالات معمول پر لانے کے لئے بھارتی حکومت نے  سپر یم کو رٹ کے حکم پر عمل در آمد کر تے ہوئے مقبو ضہ کشمیر میں کوئی  مثبت قدم نہیں اٹھایا۔

مقبوضہ کشمیر میں بھارتی مظالم اُجاگر کرنے کے لیے آج یوم یکجہتی بھی کشمیر منایا جا رہا ہے، کشمیریوں سے اظہار یکجہتی کے لیے آج اسلام آباد میں وزیراعظم کی قیادت میں انسانی ہاتھوں کی زنجیر بنائی جائے گی۔

انسانی ہاتھوں کی زنجیر آج سہ پہر ساڑھے تین بجے کنونشن سینٹر سے ڈی چوک تک بنائی جائے گی اس کے علاوہ وزیراعظم عمران خان ڈی چوک میں شرکاء سے خطاب کریں گے۔