آمدن سے زائد اثاثہ جات کیس میں قومی احتساب بیوروسکھر کی زیر حراست پاکستان پیپلز پارٹی کے رہنما خورشید شاہ کواسپتال داخل کر لیا گیا ہے۔
تفصیلات کے مطابق خورشید شاہ کو عدالتی احکامات کے بعد طبی معائنے کیلئے منتقل کیا گیا ہے۔
اسپتال ذرائع کے مطا بق خورشید شاہ کا بلڈ پریشر ہائی ہونے کی وجہ سے انہیں اسپتال داخل کیا گیا ہے جبکہ احتساب عدالت کے احکامات پر پیپلزپارٹی کے رہنما کو سخت سیکیورٹی میں طبی معائنے کے لیے این آئی سی وی ڈی اسپتال منتقل کردیا گیا۔
ذرائع کے مطابق خورشید شاہ کو بلڈ پریشر اور ذیابطیس کے امراض لاحق ہیں اور ان کی میڈیکل رپورٹ عدالت میں پیش کی جائے گی۔
واضح رہے کہ نیب نے گزشتہ ماہ پی پی پی کے سینیئر رہنما خورشید شاہ کو اسلام آباد سے گرفتار کرکے سکھر منتقل کیا تھا، خورشید شاہ کے خلاف 7 اگست سے تحقیقات کا آغاز ہوا تھا۔
Advertisement
ذرائع کے مطا بق خورشید شاہ پر کوآپریٹو سوسائٹی میں بنگلے کیلئے ایمنسٹی پلاٹ غیر قانونی طور پر اپنے نام کرایا،خورشید شاہ نے ہوٹل، پیٹرول پمپس اور بنگلے فرنٹ مین اور بے نامی داروں کے ناموں پر بنائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
1 کومنٹس اس آرٹیکل پر
کومنٹس کریں
Advertisement
