خواجہ برادران کوبری کرنےکی درخواستیں مسترد

منیر باجوہ

16th Oct, 2019. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خواجہ برادران کوبری کرنےکی درخواستیں مسترد

احتساب عدالت نے خواجہ برادران کی فرد جرم ختم کر کے بری کرنے کی درخواستیں مسترد کر دیں ہیں۔

تفصیلات کے مطا بق احتساب عدالت نے خواجہ برادران سعد رفیق اور سلمان رفیق کی فرد جرم ختم کر کے بری کرنے کی درخواستیں مسترد کر تے ہوئے ان کے جوڈیشل ریمانڈ میں 30 اکتوبر تک توسیع کر دی ہے۔

ذرائع کے مطابق فاضل جج نے خواجہ سعد رفیق اور خواجہ سلمان کی درخواستوں پر محفوظ کیا گیا فیصلہ سنا یا اورآئندہ سماعت پر خواجہ برادرن کے خلاف گواہوں کو شہادتوں کے لیے بھی طلب کر لیا گیا۔

آج لا ہور کی احتساب عدالت نے خواجہ برادرن کی موجودگی میں درخواستوں پر فیصلہ سنایا اور ان کے جوڈیشل ریمانڈ میں بھی توسیع کی۔
واضح رہے 11 دسمبر 2018 کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی اور اس کے بعد قومی احتساب بیورو نے دونوں بھائیوں کو حراست میں بھی لے لیا۔

خواجہ برادران کو پیراگون ہاؤسنگ اسکینڈل میں گرفتار کیا گیا جبکہ دونوں بھائی پیراگون ہاؤسنگ اسکینڈل سمیت 3 مقدمات میں نیب کو مطلوب تھے۔