وزیر اعظم عمران خان نے چینی وزیر اعظملی کے چیانگ سے ملاقات کی، ملاقات کے اعلامیہ میں کہا گیا ہے کہ چینی وزیر اعظم نے پاکستان کے اہم مسائل پر تعاون کے عزم کا اعادہ کیا۔

اعلامیے میں  یہ بھی کہا گیا ہے کہ ملاقات میں دونوں ممالک میں دو طرفہ تعلقات کے فروغ سمیت اقتصادی شراکت داری کو مزید مضبوط بنانے پر تبادلہ خیال کیا گیا، وزیر اعظم نے چینی ہم منصب کو سی پیک منصوبوں اور گوادر کے ترقیاتی کاموں میں میں تیزی سے متعلق آگاہ کیا۔

ملاقات میں پاکستان اور چین کے درمیان معاشی اور اقتصادی شعبوں میں مضبوطی کے لیے مختلف معاہدوں پر بھی دستخط کیے گئے جبکہ دونوں رہنماؤں نے ریلویز، اسٹیل، آئل اینڈ گیس اور سائنس و ٹیکنالوجی میں تعاون بڑھانے پر گفتگو کی اور دو طرفہ حکمت عملی پر مبنی شراکت داری کو نئی بلندیوں تک پہنچانے کا عزم  بھی کیا۔

اس موقع پر عمران خان نے چینی ہم منصب سے ملاقات میں کہا پاک چین شراکت داری بنیادی مفادات کو تحفظ فراہم کرتی ہے، یہ شراکت داری خطے میں امن، ترقی اور استحکام کی ضامن ہے۔

وزیر اعظم عمران خان کا کہنا تھا سی پیک منصوبوں کی بر وقت تکمیل حکومت کی اوّلین ترجیح ہے، سی پیک پاکستان کی اقتصادی ترقی اور خطے میں خوش حالی کا سبب ہے۔

چینی وزیر اعظم لی کے چیانگ نے کہا کہ پاکستان کے قومی مفاد کے ایشوز کی حمایت کی یقین دھانی کرائی اور گوادر میں سی پیک منصوبوں کیلیے فاسٹ ٹریک اقدامات کو سہراہا۔

چینی وزیراعظم لی کے چیانگ کا مزید کہنا تھا کہ چینی وزیراعظم سی پیک  دوسرا فیز کے منصوبوں سے پاکستان میں اقتصادی ترقی اور سرمایہ کاری کے مزید مواقع پیدا ہوں گے۔

اس موقع پر آرمی چیف جنرل قمر جاوید باجوہ، ڈی جی آئی ایس آئی بھی وزیر اعظم عمران خان کے ہمراہ  موجود تھے۔