بو ل نیو ز کے اینکر مر ید عبا س کے قتل میں ملوث ملزم عادل زمان کے خلاف سندھ آرمز ایکٹ کی خلاف ورزی پر ایک اور مقدمہ درج کرلیا گیا ہے۔

تفصیلات کے مطابق  اینکر مرید عباس سمیت دو افراد کے قتل کیس میں ملو ث عاطف زمان کے شریک ملزم  اور بھائی عادل زمان کی مشکلات میں مزید اضافہ ہوگیا ہے،شریک قتل کے ساتھ ساتھ پولیس نے  سندھ آرمز ایکٹ کی خلاف ورزی پر ایک اور مقدمہ بھی درج کرلیاہے۔

ذرائع کے مطابق آج   مرید عباس قتل کیس کے ملزم عادل زمان کو عدالت میں پیش کیا گیا ،سماعت کے موقع پر تفتیشی افسر نے عدالت کو بتایا کہ ملزم  عادل زمان سے گزشتہ روز وہ پستول برآمد کرایا  گیاجس سے  اس کے بھائی عاطف زمان نے فائرنگ کی تھی، جس کے تحت عادل زمان کے خلاف پچیس آرمز ایکٹ کے تحت ایک اور مقدمہ درج کیا گیا ہے۔

تفتیشی افسر نے عدالت کو مزید بتایا کہ ملزم  عادل زمان نے اپنے بیان میں بتایا تھا کہ واردات والے روز عاطف زمان نے پستول منگوائی تھی،جس پستول سے فائرنگ کی گئی وہ عادل زمان کے نام پر ہے،مرید عباسی اور خضر کو قتل کرنے کے بعد قاتل عاطف زمان نے اسی پستول سے خود کشی کی بھی کوشش کی تھی۔

تفتیشی افسرعتیق الرحمان کے مطابق نئے مقدمے سے ملزم کے خلاف قتل کیس اور مضبوط ہوگیاہے۔

وا ضح رہے کہ  تفصیلات  کے مطابق اینکر مریدعباس قتل کیس کی تحقیقا ت سے ان کی اہلیہ زارا عباس مطمئن نہیں، زارا عباس کا کہنا ہے کہ ملزمان بااثرہیں، گرفتاری کے بعد تفتیشی افسر پر حملہ ہوا، ایس ایس پی انویسٹی گیشن کا بیان بہت حیران کن ہے۔

اہلیہ مریدعباس کا کہنا تھا کہ زمان کی گرفتاری میں بہت دیرکی گئی اور عاطف زمان کے دفتری عملےسے بھی تفتیش نہیں کی گئی، نیٹ ورک اس لئے سامنے نہیں آیا کہ تفتیش نہیں ہوئی۔