وفاقی وزیر برائے بحری امور علی زیدی نے کہا ہے کہ گوادر میں تیزی سے تبدیلی آنے والی ہے۔

تفصیلات کے مطابق وفاقی وزیرعلی زیدی نے حماداظہرکے ہمراہ چائنا اوورسیز کمپنی کے سی ای او کے ساتھ مشترکہ پریس کانفرنس کرتے ہوئے کہا کہ گوادرایسٹ بے کو ایکسپریس وے کےذریعےمکران سےجوڑنا ہے۔

انکا کہنا تھا کہ حکومت گوادر کے مقامی افراد کوگوادرپورٹ کےحوالےسےٹریننگ دینے کی منصوبہ بندی کررہی ہے۔

وفاقی وزیر کا کہنا تھا کہ گوادرمیں 5لاکھ گیلن پانی کامنصوبہ شروع کررہےہیں جبکہ کھارے پانی کو میٹھا کرنے کا پلانٹ بھی لگایا جائے گا۔

علی زیدی کا یہ بھی کہنا تھا کہ صنعتی ضروریات کیلئےگوادرمیں 300میگاواٹ بجلی کامنصوبہ لگائیں گے۔

وفاقی وزیرعلی زیدی کا کہنا تھا کہ چینی کمپنیاں اب گوادر میں آکر صنعتیں لگائیں گی کیونکہ یہاں ایئرپورٹ بھی تعمیر کیا جارہا ہے۔

اس موقع پرچینی نمائندہ کا کہنا تھا کہ موجودہ حکومت نےہمارےمسائل کےحل کےلیےفوری اقدامات کیے اور گوادرپورٹ کےحوالےسےایس آراو بھی جاری کردیا گیا ہے۔

چینی نمائندہ کا مزید کہنا تھا کہ گوادر بندرگاہ کا پہلے سنگاپور کی کمپنی کو ٹھیکہ دیا گیا لیکن کمپنی نےکئی سال گزرنےکےباوجودایک فیصد بھی کام نہیں کیا۔

یاد رہے کہ آج صدر مملکت عارف علوی نے سی پیک اتھارٹی آرڈیننس پر دستخط کردیئے، اتھارٹی کی سربراہی وزیراعظم عمران خان کریں گے جبکہ اس کا اطلاق پورے پاکستان پر ہوگا۔

ایک روز قبل حکومت نے صدارتی آرڈیننس کے ذریعے سی پیک اتھارٹی قائم کرنے کا فیصلہ کیا اور سی پیک اتھارٹی کا مسودہ منظوری کے لیے صدر پاکستان کو بھجوایا تھا۔