پاکستان ملائشیا کے ساتھ دوطرفہ تعلقات کو انتہائی اہمیت دیتا ہے، وزیر خارجہ

انور عباس

31st Oct, 2019. 03:23 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

پاکستان ملائشیا کے ساتھ دوطرفہ تعلقات کو انتہائی اہمیت دیتا ہے، وزیر خارجہ

وزیر خارجہ مخدوم شاہ محمود قریشی کا کہنا ہے کہ پاکستان ملائشیا کے ساتھ دو طرفہ تعلقات کو انتہائی اہمیت دیتا ہے۔

تفصیلات کے مطابق ملائیشیا کے وزير خارجہ سیف الدین عبداللہ نے وزیر خارجہ مخدوم شاہ محمود قریشی سے ٹیلفونک رابطہ کیا جس میں دو طرفہ تعلقات، خطے میں امن و امان کی صورتحال سمیت باہمی دلچسپی کے امور پر تبادلہ خیال کیا گیا۔

وزیر خارجہ مخدوم شاہ محمود قریشی نے اپنے ملائشین ہم منصب کو مقبوضہ جموں و کشمیر میں جاری بھارتی مظالم سے آگاہ کیا۔

مخدوم شاہ محمود قریشی نے کہا کہ ہندوستان نے 5 اگست سے مقبوضہ جموں و کشمیر میں بدترین کرفیو نافذ کر رکھا ہے ۔مقبوضہ جموں و کشمیر کے اسی لاکھ نہتے کشمیری بھارتی استبداد سے نجات کے لیےاقوام عالم بالخصوص مسلم امہ کی طرف نظریں جمائے ہوئے ہیں ۔

وزیر خارجہ مخدوم شاہ محمود قریشی نے مقبوضہ کشمیر کے حوالے سے پاکستان کے موقف کی تائید پر ملائشین وزیر خارجہ کا شکریہ ادا کیا۔

وزیر خارجہ نے ملائشین ہم منصب کو اپنے دورہ ملائشیا اور کوالالمپور کانفرنس میں شرکت کے حوالے سے بھی آگاہ کیا۔

دونوں وزرائے خارجہ کے مابین خطے میں امن و امان سمیت اہم امور پر مشاورت کا سلسلہ جاری رکھنے پر بھی اتفاق کیا گیا۔