جمیعت علماء اسلام ( ف ) کے سربراہ مولانا فضل الرحمٰن نے کہا ہے کہ مذاکرات کرنے یا نہ کرنے کا فیصلہ رحبر کمیٹی کریگی۔

تفصیلات کے مطابق جمیعت علماء اسلام ( ف ) کے سربراہ مولانا فضل الرحمٰن نے اپنے ایک بیان میں کہا کہ مذاکرات کے لیے ہم نے دروازے بند نہیں کیے ہیں۔ انھوں نے کہا کہ ایک طرف مذاکراتی کمیٹیاں اور دوسری طرف دھمکیاں حکمرانوں کی نااہلی کا کھلا ثبوت ہے۔

موالانہ فضل الرحمن کا کہنا تھا کہ قومی احتجاج کو دھمکیوں سے روکنے کی کوشش کی جارہی ہے اور حکمرانوں نے مسلسل جھوٹ بول کر قوم کو بےوقوف بنایا۔

جمیعت علماء اسلام ( ف ) کے سربراہ مولانا فضل الرحمٰن کا مزید کہنا تھا کہ اپوزیشن کے اتحاد نے سلیکٹڈ حکمرانوں کی نیندیں حرام کر دی ہیں۔

واضح رہے کہ وفاقی پولیس نےجمیعت علمائے اسلام(ف) کے آزادی مارچ کے لیے بینرز لگانے والوں کو گرفتار کرنا شروع کر دیا ہے،اسی سلسلے میں دو ملزمان مولانا شفیق الرحمن اور مولانا محمد ارشاد کو گرفتار کر کے بینرز بر آمد کر لیے ہیں۔

پولیس حکام کا کہنا تھا کہ ملزمان نے دفعہ 144 کے نفاذ کے باوجود انتظامیہ کی رٹ کو چیلنج کیا ہے جبکہ ملزمان لوگوں کو آزادی مارچ میں شرکت پر اکسا رہے تھے۔

ذرائع کے مطابق تھانہ شمس کالونی نے مقدمہ درج کر کے گرفتار افراد کی مدد سے مزید چھاپے بھی شروع کر دیے ہیں۔
اسلام آباد میں دفعہ 144 نافذ ہے جس کے تحت اسلا م آباد میں کسی قسم کے اجتماع، مجالس اور ریلیوں پر پابندی لگائی گئی ہے، اس کے علا وہ لاؤئڈ اسپیکر اور کیسٹ پلیئر کے استعمال اور کھلے عام اسلحے کی نمائش کرنے پر بھی پابندی ہو گی۔