نیول چیف کا پاک بحریہ کی تنصیبات کا دورہ

عارف محمود

25th Oct, 2019. 11:23 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

نیول چیف کا پاک بحریہ کی تنصیبات کا دورہ

چیف آف دی نیول اسٹاف ایڈمرل ظفر محمود عباسی نےپاکستان میری ٹائم سیکیورٹی ایجنسی (پی ایم ایس اے) اور کراچی میں پاک بحریہ کی تنصیبات کا دورہ کیا ہے۔

ترجمان پاک بحریہ کے مطابق پی ایم ایس اےہیڈ کوارٹر آمد پر امیرالبحر کو گارڈ آف آنر پیش کیا گیا۔امیرالبحر نے میری ٹائم سیکیورٹی ایجنسی ہیڈ کوارٹر میں یادگار شہداء پر فاتحہ خوانی کی اور پھولوں کی چادر چڑھائی۔

ترجمان پاک بحریہ کے مطابق نیول چیف کو میری ٹائم آپریشن سینٹر میں پی ایم ایس اے کے کردار اور ذمہ داریوں کے بارے میں بریفنگ دی گئی۔ سربراہ پاک بحریہ نے افسران اور جوانوں کی تربیت کے لئےنئے تعمیر کردہ ٹریننگ سینٹر کا بھی دورہ کیا۔ بعد ازاں نیول چیف نے پاک بحریہ کے فلیٹ کی آپریشنل تیاریوں کا بھی جائزہ لیا۔ امیر البحرنے پاک بحریہ اورمیری ٹائم سیکیورٹی ایجنسی کے کردار اور آپریشنل تیاریوں کو سراہتے ہوئے مکمل اطمینان کا اظہار کیا۔