پاکستان نے وزیر اعظم عمران خان کے بیان پر بھارتی وزارت خارجہ کے ردعمل کو مسترد کردیا ہے۔

ترجمان دفتر خارجہ ڈاکٹر فیصل کے بیان کے مطابق بھارتی وزارت خارجہ کی وزیراعظم عمران خان کے کشمیر کے متعلقق بیانات پر ردعمل کو مسترد کرتے ہیں۔

انہوں نے کہا کہ بھارت سفارتکاری اور نارمل حالات بارے اپنے بھاشن اپبے پاس رکھے کیونکہ بھارتی بیانات مقبوضہ کشمیر میں بھارتی ریاستی دہشت گردی کی عکاسی کرتے ہیں اور بھارتی جبر سے متاثر کشمیریوں کے لئے آواز اٹھانا ہماری عالمی ذمہ داری اور اخلاقی ذمہ داری ہے۔

ڈاکٹر فیصل نے بتایا کہ بھارت اپنی انتہاپسندانہ نظریات اور غالبانہ بالادستی کے خواب کے وجہ سے سچ کا سامنا کرنے سے گریزاں ہے اور اپنے بالادستی پر مبنی طرز عمل کے برعکس بھارت خود کو ایک نارمل ریاست ثابت کرنا چاہتا ہے۔

انکا کہنا تھا کہ بھارت دنیا کو بتائے کہ کیوں ایک نارمل ریاست میں 80 لاکھ افراد محصور رکھے ہیں اور کیوں دو ماہ سے زائد عرصے سے مقبوضہ کشمیر کے لاکھوں افراد کھلے پنجرے میں بند ہیں۔

بھارت کے کشمیر کے متعلوق بیانات پر ترجمان دفتر خارجہ کا کہنا تھا کہ لاکھوں کو محصور کرکے ‘ہر چیز ٹھیک ہے’ کا تاثر اور دعوی کس کو دکھانے کیلئے ہے اور کون سی نارمل ریاست میں سیاسی اور انتہاپسند جتھوں کو گائے ذبحیہ کے نام پر تشدد کرکے قتل کرنے کی کھلی اجازت ہے۔