کراچی کے سرکاری اسپتال عباسی شہید میں رات گئے پولیس نے بھاری نفری کے ساتھ راستے سیل کرکے سرچ آپریشن کیا۔

آپریشن کے دوران 3 افراد کو حراست میں لیکر نامعلوم جگہ منتقل کیا تاہم آئی ٹی ڈپارٹمنٹ کے کمرے تالا توڑ کر لیپ ٹاپ، ہارڈ ڈرائیو اور اہم دستاویزات لیکر روانہ ہوگئے۔

رات گئے کراچی کے بڑے اسپتال عباسی شہید میں پولیس نے بھاری نفری کے ساتھ چھاپہ مارا، پولیس نے عباسی شہید اسپتال جانے والے راستے کو بند کر دیا۔  اس آپریشن میں بیس سے زائد موبائلز اور موٹر سائیکلوں  پہ سوار اہلکار شامل تھے۔

پولیس کی بھاری نفری نے ڈاکٹرز اپارٹمنٹس اور ٹراما سینٹر کی تلاشی لی ۔

 اسپتال ذرائع کے مطابق تمام پولیس موبائلز پر لکھے تھانوں کے ناموں اور نمبر پلیٹز کو چھپایا ہوا تھا۔سرچنگ کے دوران آئی ٹی ڈیپارٹمنٹ کے ایڈمنسٹریٹر نجف علی کے کمرے میں توڑ پھوڑ کی اور کمرے سے متعدد کمپیوٹر ہارڈ ڈرائیو اور دستاویزات اپنے قبضے میں لے لئے۔

اسپتال ذرائع نے مزید بتایا کہ  پولیس نے اسپتال سے 3 افراد کو حراست میں لیکر نامعلوم مقام پر منتقل کردیا۔ حراست میں لیئے گئے افراد کی شناخت ارشد حشمت، راشد اور اسلم پرویز کے نام سے کی گئی۔تاہم اسپتال کے سٹی وارڈن کا کہنا تھا کہ ان پر تشدد کیا گیا۔ہم سٹی وارڈن آرمی سے تربیت یافتہ ہیں۔انہوں نے مئیر کراچی اور آئی جی سندھ سے واقع کے نوٹس لینے کی اپیل کردی۔

دوسری جانب سندھ رینجرز نے حب چوکی پر کوئیٹہ سے کراچی آنے والے غیر ملکی سامان کی اسمگلنگ کو ناکام بنادیا۔کارروائی کے دورانمضر صحت چھالیہ، کپڑے کے تھان، ٹائرز اور متعدد کیمرے برآمد کرکے کسٹم حکام کے حوالے کردئے۔