برطانوی شہزادہ ولیم اور ان کی اہلیہ کیٹ میڈلٹن نے گرلز ہائی اسکول اسلام آباد کا دورہ کیا ہے۔

تفصیلات کے مطابق شہزادہ ولیم اور کیٹ میڈلٹن گرلز ہائی اسکول اسلام آباد کے دورے کے موقع پر اسکول میں بچیوں میں گھل مل گئے اورو ہاں شاہی جوڑے نے اسکول کے مختلف شعبوں کا جائزہ بھی لیا ۔

ذرائع کے مطابق بر طانوی شاہی جوڑے نے اسکول میں ریاضی کی کلاس کا معائنہ کیا ، سکول انتظامیہ نے شاہی جوڑے کو اسکول اور پاکستان میں نظام تعلیم سے متعلق بریف کیا ۔

واضح رہے کہ برطانوی شہزادہ ولیم اور ان کی اہلیہ کیٹ میڈلٹن کل رات اسلام آباد پہنچے ہیں ، جن کا طیارہ نور خان ائیر بیس پر اترا جہاں وزیر خارجہ شاہ محمود قریشی نے ان کا پرتپاک استقبال کیا۔

وزیر خارجہ شاہ محمود قریشی کا اس سلسلے میں کہنا ہے کہ شاہی مہمانوں کی آمد سے پاک برطانیہ تعلقات مزید مستحکم ہوں گے،شاہی خاندان کا یہ وفد پاکستان کے مختلف علاقوں کا دورہ کرنے کے ساتھ پاکستان کی سیاسی قیادت سے ملاقات بھی کرے گا۔

شاہ محمودقریشی کا مزید کہنا ہے کہ شاہی جوڑےکادورہ پاکستان تاریخی اہمیت کاحامل ہے، ان کی  آمدسےپاکستان کامثبت چہرہ سامنےآئے گا اوردوطرفہ تعلقات مزیدمستحکم ہوں گے۔

 برطانوی ہائی کمیشن کے مطابق برطانوی شاہی جوڑا بھاری بھرکم سکیورٹی ٹیم کے ہمراہ پاکستان پہنچا ہے، برطانوی شاہی جوڑے کیلئے 40 سے زائد ڈاکٹرز اور طبی عملہ بھی سکیورٹی ٹیم کا حصہ ہے۔

برطانوی شاہی جوڑا 4 روزہ دورے پر پا کستان آیا ہےجن کا یہ پہلا دورہ پاکستان ہے۔

برطانوی شاہی جوڑا 17 اکتوبر کو چترال بھی جا ئے گا،جہاں ایک روز گزارنے کے بعد 18 اکتوبر کی دوپہر ڈیڑھ بجے وطن واپس روانہ ہوجا ئیں گے۔