اپوزیشن نے مال بچانےکا ٹھیکہ مولانا کو دے دیا ہے، فردوس عاشق اعوان

غلام مرتضی

14th Oct, 2019. 07:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اپوزیشن نے مال بچانےکا ٹھیکہ مولانا کو دے دیا ہے، فردوس عاشق اعوان

معاون خصوصی ڈاکٹر فردوس عاشق اعوان نے کہاں ہے کہ ن لیگ اور پیپلزپارٹی نے مال بچانے کا ٹھیکہ مولانا کو دے دیا ہے جبکہ آزادی مارچ سے متعلق شہباز شریف اور نواز شریف بھی ایک پیج پر نہیں ہے۔

تفصیلات کے مطابق میڈیا بریفنگ دیتے ہوئے فردوس عاشق اعوان کا کہنا تھا کہ فضل الرحمان کے پاس عوامی پذیرائی ہوتی تو وہ پارلیمنٹ سے باہر نہیں ہوتے۔

وفاقی کابینہ کے اجلاس کے متعلق ڈاکٹر فردوس عاشق اعوان نے بتایا کہ کابینہ اجلاس میں 12 نکاتی ایجنڈے پر غور کیا گیا جبکہ وزیراعظم نے اشیائے ضروریہ کی قیمتوں کے کنٹرول کیلئے متعلقہ حکام کو ضروری ہدایات دیں ہیں اور وزیراعظم نے ذخیرہ اندوزوں اور ناجائز منافع خوروں کیخلاف سخت کارروائی کی ہدایت بھی کی ہے۔

انکا کہنا تھا کہ وفاقی کابینہ نے اقتصادی رابطہ کمیٹی کے اجلاس کے فیصلوں کی توثیق کی جبکہ نیشنل فرٹیلائزر مارکیٹنگ سمیت مختلف اداروں کے سربراہان کی تعیناتی کی منظوری دی گئی۔

انہوں نے مزید بتایا کہ شہریوں کی مشکلات دور کرنے کیلئے اسلام آباد ماسٹر پلان کی منظوری دی گئی جبکہ سیکٹر جی 6 کو پائلٹ پروجیکٹ بنانے کی منظوری دی گئی ہے۔