احتساب عدالت میں عبدالغنی مجیدکے دوبارہ جسمانی ریمانڈ کی درخواست مستردکردی گئی۔

تفصیلات کےمطابق احتساب عدالت نے عبدالغنی مجیدکے دوبارہ جسمانی ریمانڈسے متعلق نیب کی درخواست مسترد کردی ہے۔

کمرہ عدالت میں نیب کی جانب سےاستدعاکرتے ہوئے کہا گیاکہ ملزم عبدالغنی مجید سےکاشتکاروں کی سبسڈی میں غبن کی تفتیش کرنی ہےاسلیےملزم کامزیدجسمانی ریمانڈدرکارہے۔

درخواست میں نیب نے کہا کہ عبدالغنی مجیدکےاس انکوائری میں وارنٹ موجود ہیں۔ جس پرملزم کے وکیل کا کہناتھاکہ دوبارہ جسمانی ریمانڈ قانون کے مطابق نہیں دیا جاسکتا۔

بعدازاں عدالت نےدلائل سننےکےبعدعبدالغنی مجیدکےجسمانی ریمانڈکی درخواست مستردکردی۔

واضح رہےکہ ہفتے کےروز کراچی کے بینکنگ کورٹ میں ملزم عبدالغنی کےخلاف کیس کی سماعت ہوئی جس میں اومنی گروپ کی شوگر ملزسےاربوں روپےکی چینی غائب ہونےسےمتعلق ملزم کے پروڈکشن آرڈرز جاری کیے گئے۔

عدالت کی جانب سےمحکمہ داخلہ اور اڈیالہ جیل کوملزم کوپیش کرنے کاحکم دیاگیا اوراومنی گروپ کی شوگرملوں سےاربوں روپے کی چینی غائب ہونے سےمتعلق سمٹ بینک، سندھ بینک اورنیشنل بینک کی کرمنل کمپلینٹس کی سماعت ہوئی۔

کمرہ عدالت میں سماعت کے موقع پر ملزم کواڈیالہ جیل سے نہیں لایا گیا جبکہ ملزم کے اہلخانہ کی جانب سے بھی کوئی پیش نہ ہوسکاجس پر عدالت نے ملزم کےپروڈکشن آرڈرجاری کرتے ہوئے آئندہ سماعت پرانہیں طلب کرلیاگیا۔

عدالت نے 28اکتوبرتک فریقین سےجواب الجواب بھی طلب کرلیا۔

واضح رہے کہ سابق چیف جسٹس ثاقب نثار نےاومنی گروپ کی شوگر ملزکے خلاف کارروائی کی ہدایت کی تھی۔ جس کیلئےاومنی گروپ کیخلاف دائردرخواستوں میں موقف اپنایا گیا تھا کہ وہ واجبات ادا کرنے کو تیار نہیں جبکہ بینک شوریٹی کے لیے رکھا گیا، چینی کا اسٹاک غائب کیا گیا جوکہ جرم ہے ۔

بعدازاں شوگر ملز کے چیف ایگزیکٹو افسران اور ڈائریکٹرز کے خلاف کارروائی کاحکم جاری کیاگیا۔