آج ملک کے اکثر علاقوں میں موسم خشک رہے گا تاہم ملک کے شمالی علاقہ جات میں موسم سرد رہنے کا امکان ہے۔

 تفصیلات کے مطابق  آئندہ چوبیس گھنٹوں کے دوران مطلع صاف رہنے کا امکان ہے، آج صبح وفاقی دارالحکومت کا درجہ23 ڈگری سینٹی گریڈ ریکارڈ کیا گیا اور زیادہ سے زیادہ 29 ڈگری سینٹی گریڈ تک جانے کا امکان ہے ۔

اس کے ساتھ ساتھ جمعه کے روز ملک کے اکثر علاقوں میں موسم خشک جبکہ شمالی علاقہ جات میں موسم سرد جبکہ بالائی خیبر پختونخوا اور کشمیر کے اضلاع میں بعض مقامات پر گرج چمک کیساتھ ہلکی بارش کا امکان ہے۔

دوسری جانب کراچی کا موسم آج گرم اور مطلع صاف رہے گا، صبح کے وقت درجہ حرارت 25 ڈگری سینٹی گریڈ ریکارڈ کیا گیا اور زیادہ سے زیادہ  35 تک جاسکتا ہے۔ صبح کے وقت ہوا میں نمی کا تناسب 87 فیصد ریکارڈ کیا گیا۔

وفاقی دارالحکومت اسلام آباد میں صبح اور شام کے اوقات میں خنکی بڑھ گئی ہے جبکہ  دوپہر میں موسم قدرے گرم رہتا ہے،خیبر پختونخوا کے اضلاع مالم جبہ، چترال، ایبٹ آباد میں مطلع جزوی ابر آلود رہے گا ۔

پنجاب کے اکثر اضلاع میں آج موسم خشک رہے گا تاہم مری، اٹک، جہلم اور چکوال میں ہلکی بارش ہو سکتی ہے۔

 بلوچستان کے اضلاع قلات اور کوئٹہ میں مطلع ابر آلود رہے گا تاہم دیگر اضلاع میں موسم خشک رہے گا۔

وا ضح رہے کہ گزشتہ چوبیس گھنٹوں کے دوران ملک کے اکثر علاقوں میں موسم خشک رہا۔