معاون خصوصی فردوس عاشق اعوان نے کہا ہے کہ قانون اور نوجوانوں کو بہترروزگار کی فراہمی وزیراعظم کا ویژن ہے۔

تفصیلات کے مطابق معاون خصوصی فردوس عاشق اعوان نے اپنے ایک بیان میں کہا کہ وزیراعظم نےآج بلوچستان اور سندھ کا دورہ کیا کیونکہ وزیراعظم چاہتے ہیں کہ دونوں صوبے تیزی سےترقی کرے جبکہ وزیر اعظم نے وہاں موجود مختلف پراجیکٹ کاجائزہ بھی لیا۔

فردوس عاشق اعوان کا کہنا تھا کہ وزیراعظم ملک کے پسماندہ اور کم ترقی یافتہ علاقوں کی ترقی کے لیے پرعزم ہیں اور گوادر بندرگاہ آپریشنل مکمل ہونے سے بلوچستان اور ملک ترقی کرے گا۔

معاون خصوصی کا یہ بھی کہنا تھا کہ بھارت نےسیز فائر معاہدے کی خلاف ورزی کی جس کا پاک فوج نے موَثر جواب دیا جبکہ پاک فوج نے بھارت کے جھوٹے بیانیے کو بے نقاب بھی کیا۔

اپنے بیان میں فردوس عاشق اعوان نے کہا کہ قومی بیانیے پرپوری قوم متحد ہے اور بھارتی میڈیا کےجھوٹے پروپیگنڈے کی مذمت کرتے ہیں۔

فردوس عاشق اعوان نے یہ بھی کہا کہ مظلوم کشمیری پاکستان کی طرف دیکھ رہےہیں اور 27 اکتوبرکوپوری قوم یوم سیاہ منانےکےلیےپرعزم ہے۔

فردوس عاشق اعوان کا کہنا تھا کہ اپوزیشن میڈیا میں عدالت لگا کر وزیراعظم کی کردارکشی کررہی ہے جبکہ اپوزیشن کا احتجاج قوم کے لیے نہیں صرف ذات کے لئے ہے۔

فردوس عاشق اعوان کا یہ بھی کہنا تھا کہ مولانا مدرسے کے معصوم بچوں کو استعمال کررہےہیں، آئین کے اندر رہتے ہوئے احتجاج مولانا کا حق ہے لیکن ڈنڈابرداری کی اجازت نہیں۔

معاون خصوصی فردوس عاشق اعوان کا مزید کہنا تھا کہ بلاول بھٹوکوسمجھ نہیں آرہی کہ لاڑکانہ سےبھٹوکاخاتمہ ہوچکاہے، پیپلزپارٹی چاروں صوبوں کی زنجیرکہلاتی تھی لیکن کرپشن کی وجہ سےآج یہ حال ہے۔