پاکستانی اداروں کے خلاف اشتعال انگیز تقاریر کرنے اور دھمکیاں دینے کے معاملہ پر معاملہ عدالت نے سابق وزیراعظم نواز شریف کے داماد کیپٹن ریٹائرڈ صفدر کی درخواست ضمانت پر فیصلہ محفوظ کر لیا۔

تفصیلات کے  مطابق ضلع کچہری لاہورمیں پاکستانی اداروں کے خلاف اشتعال انگیز تقاریر کرنے اور دھمکیاں دینے کے معاملہ پر سابق وزیراعظم نواز شریف کے داماد کیپٹن ریٹائرڈ صفدر کی درخواست ضمانت  پر سماعت ہوئی۔ جوڈیشل مجسٹریٹ رانا آصف علی نے درخواست ضمانت پر سماعت کی۔

ڈپٹی ڈسٹرکٹ پبلک پراسیکیوٹرنےعدالتی دائرہ اختیارپراعتراض اٹھادیا۔

وکیل کیپٹن(ر)صفدر نے کہا کہ پولیس کےپاس اختیارنہیں کہ16ایم پی اوکےتحت مقدمہ درج کرے۔ پولیس نےحکومت کی اجازت کےبغیرمقدمہ درج کیا۔

دلائل مکمل ہونے کے بعد عدالت نے فیصلہ محفوظ کرلیا جو بعد میں سنایا جائے گا۔

یاد رہے کہ دو روز قبل نواز شریف کے داماد کیپٹن (ر) محمد صفدر کو بھیرہ سے لاہور آرہے تھے۔انہیں راوی ٹول پلازہ سے گرفتار کیا گیا۔

پولیس کے مطابق کہ ریاستی اداروں کےخلاف اشتعال انگیز باتیں کرنے پر کیپٹن (ر) صفدر کیخلاف مقدمہ درج کیا گیا تھا ۔

واضح رہےکہ مریم نواز، حمزہ شہباز، یوسف عباس کی احتساب عدالت میں پیشی کے موقع پر کیپٹن(ر) محمدصفدر اور لیگی کارکنوں کی جانب سے پولیس اہلکاروں سے ہاتھا پائی کرنے پر تھانہ اسلام پورہ پولیس نے کار سرکار میں مداخلت کی دفعات کے تحت مقدمہ درج کیا گیا تھا۔

اس مقدمے میں سابق وزیراعظم نواز شریف کے داماد اور مریم نواز کے شوہر کیپٹن ریٹائرڈ صفدر نے لاہور کی سیشن کورٹ سے 50ہزار کے مچلکوں کے عوض ضمانت کرالی تھی۔