کراچی کے علاقے گلشن معمار میں بس اسٹاپ کے قریب ٹریفک حادثہ میں 6 افراد زخمی ہوگئے ہیں۔
ریسکیو ذراٸع کا کہنا تھا کہ ٹریفک حادثہ تیز رفتار مسافر کوچ کے الٹنے کے باعث پیش آیا۔
ریسکیو ذراٸع کا مزید کہنا تھا کہ حادثہ کے نتیجے میں 6 افراد زخمی ہوئے جنہیں طبی امداد کے لئے قریبی نجی اسپتال میں منتقل کر دیا گیا ہے۔
واضح رہے اس سے قبل بھی کراچی میں تیز رفتار گاڑی نے اسکول کے دو بچوں کو کچل دیا تھا، حادثے میں ایک بچہ جاں بحق جبکہ دوسرا زخمی ہو گیا تھا۔
کراچی کے پوش علاقے ڈیفنس فیز ون میں بچے موٹر سائیکل پر اسکول سے گھر واپس جارہے تھے، حادثہ وین اور موٹرسائیکل میں ٹکر کے باعث پیش آیا، بچوں کی شناخت 8 سالہ حماد اور 10سالہ طحہٰ کے نام سے ہوئی تھی۔
واقعے کے بعد پولیس نے فوری کارروائی کرتے ہوئے گاڑی کے ڈرائیور کوگرفتار کر لیا تھا۔
علاوہ ازیں ڈبل کیبن اورپک اپ سوزوکی کے درمیان تصادم کے نتیجے میں ایک لڑکی جاں بحق اور خواتین سمیت 8 افراد زخمی ہوگئے تھے۔
حادثہ رات گئے ماڑی پورروڈ پر پیش آیا تھا جہاں نشے میں دھت ڈرائيور نے ڈبل کيبن گاڑی سے سوزوکی کوٹکرماردی ، جس کے نتیجے میں پریتی نامی خاتون موقع پرہی جاں بحق ہوگئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News