پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے انجنیئرز سینٹر رسالپور کا دورہ کیا۔

اس موقع پر خطاب کرتے ہوئے آرمی چیف جنرل قمر جاوید باجوہ نے مختلف آپریشنز میں انجینئرز کور کی کارکردگی اور کردار کو سراہا۔

 آرمی چیف جنرل قمر جاوید باجوہ کا کہنا تھا کہ مختلف آپریشنز، قومی منصوبوں اور قدرتی آفات میں انجینئرز کور کا کردار قابل تعریف ہے۔

ترجمان آئی ایس پی آر کا کہنا تھا کہ انجنیئرز سینٹر رسالپور کے دورہ پر آرمی چیف جنرل قمر جاوید باجوہ نے لیفٹننٹ جنرل معظم اعجازکو کرنل کمانڈنٹ انجینرز کے بیجز لگائے۔

ترجمان آئی ایس پی آر کا مزید کہنا تھا کہ سبکدوش کرنل کمانڈر لیفٹننٹ جنرل جاوید محمود بھی موجود تھے۔

واضح رہے اس سے قبل بھی آرمی چیف جنرل قمر جاوید باجوہ کی ایرانی عسکری قیادت سے ملاقات ہوئی تھی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف  جنرل قمر جاوید باجوہ کی ایرانی سپریم نیشنل سیکیورٹی کونسل  کے سربراہ ایڈمرل علی شامخانی اور ایرانی سپہ سالار میجر جنرل عبدالرحیم موسوی سے تہران میں  ملاقات ہوئی تھی۔

ملاقاتوں میں باہمی عسکری تعلقات ،خطےکی سیکیورٹی صورتحال سمیت دفاعی تعاون پر بات چیت کی گئی تھی۔

یاد رہے کہ اس سے قبل ڈی جی آئی ایس پی آر میجر آصف غفور نے کہا تھا کہ آرمی چیف جنرل قمرجاوید باجوہ ایرانی مسلح افواج کے چیف آف اسٹاف سے ملاقات کے لئے تہران پہنچ گئے تھے۔

 ڈی جی آئی ایس پی آر میجر آصف غفور نے سماجی رابطے کی ویب سائٹ ٹویٹر پر اپنے ایک ٹویٹ میں کہا  تھا کہ تہران کے دورے میں آرمی چیف جنرل قمرجاوید باجوہ نے ایرانی مسلح افواج کے چیف آف اسٹاف میجر جنرل محمد حسین سے ملاقات کی تھی۔

اپنے پیغام میں میجر آصف غفور کا کہنا تھا کہ ملاقات میں علاقائی سیکیورٹی اور سلامتی کے ماحول پر بات چیت کی گئی جبکہ علاقائی امن و استحکام کے لئے کوششوں اور پاک ایران بارڈر سیکیورٹی میکانزم پربھی تبادلہ خیال کیا گیا تھا۔

دوسری جانب آرمی چیف جنرل قمر جاوید باجوہ سے ترکی کی مسلح افواج کے سربراہ جنرل یاسر گلر کی ملاقات ہوئی تھی۔