وزیراعظم عمران خان سے چیئرمین منی گرام ولیم الیگزنڈر کی قیادت میں وفد کی ملاقات ہوئی۔

ملاقات میں منی گرام نے پاکستان میں سرمایہ کاری بڑھانے کی خواہش کا اظہار کیا جس پر وزیراعظم نے منی گرام کے اقدامات کو سراہا۔

ولیم الیگزنڈر نے منی گرام کے پروفائل سے وزیراعظم کو آگاہ کیا جبکہ وزیراعظم کی وفد کو ہر قسم کی سہولیات فراہم کرنے کی یقین دہانی بھی کروائی۔

اس موقع پر وزیراعظم کو بریفنگ دیتے ہوئے کہا گیا کہ موجودہ حکومت کے وژن کے مطابق ان کے ساتھ مل کام کررہے ہیں، منی گرام پاکستان میں اوورسیز پاکستانیوں کو سہولت فراہم کررہا ہے جبکہ منی گرام اپنے 7000 پارٹنرز کے ساتھ ملک بھر میں کام کررہا ہے۔

چیئرمین منی گرام ولیم الیگزنڈر سے ہونے والی ملاقات میں مشیرخزانہ عبدالحفیظ شیخ اور مشیر تجارت عبدالرزاق داؤد بھی شریک ہوئے۔

واضح رہے اس سو قبل بھی نومنتخب وفاقی وزیر برائے نیشنل فوڈ سیکیورٹی اینڈ ریسرچ مخدوم خسرو بختیار نے وزیراعظم عمران خان سے ملاقات کی تھی۔

ملاقات میں وزیراعظم نے  مخدوم خسرو بختیار کی بطور وزیرمنصوبہ بندی اور خصوصاً سی پیک منصوبے کا نیا فیز شروع کرنے اور جاری منصوبوں میں پیش رفت کی رفتار کو تیز کرنے اور انہیں عملی جامہ پہنانے کے سلسلے میں کی گئی کاوشوں کو سراہا تھا۔

وزیر اعظم عمران خان کا کہنا تھا کہ حکومت کی بھرپور کوشش ہے کہ سی پیک میں شامل کیے جانے کے بعد زراعت کے شعبے میں چینی مہارت سے بھرپور استفادہ  حاصل کیا جائے۔

وزیر اعظم  نے کہا تھا کہ  ملکی معیشت میں زراعت کی اہمیت کے پیش نظر مخدوم خسرو بختیار کو نئی ذمہ داریاں سونپی گئی ہیں تاکہ زراعت کے شعبے میں ترقی کا عمل تیز ہوسکے۔

وزیر اعظم عمران خان نے یہ بھی کہا تھا کہ زراعت سے متعلقہ ہر شعبے کی ترقی حکومت کی اولین ترجیحات میں شامل ہے۔