پاکستان انٹرنیشنل ایئرلائن (پی آئی اے) نے دو نئے طیارے خرید لیے۔

ترجمان پاکستان انٹرنیشنل ایئرلائن (پی آئی اے) عبداللہ خان کے مطابق سی ای او پی آئی اے ایئر مارشل ارشد ملک اور ان کی ٹیم کی کاوشیں رنگ لارہی ہیں  جس کی بدولت پی آئی اے تیزی سے بہتری کی جانب گامزن ہے۔

انہوں نے کہا کہ طیاروں کی آمد سے نہ صرف  قومی ایئرلائن کے فضائی آپریشن سمیت ریوینیومیں اضافہ ہو گا بلکہ نئے طیارے مسافروں کو جدید سفری سہولتوں  کی فراہمی میں بھی معاون ثابت ہوں گے۔

ایئر بس 320 طیاروں کی فراہمی کے لئے پی آئی اے نےایلافکو نامی کمپنی سے معاہدہ کیا ہے۔طیاروں کی 6سالہ ڈرائی لیز کے لئے فنانسنگ کے ایس سی پی نامی کویتی کمپنی نے فراہم کی ہے۔

2 ایئر بس طیاروں کے ضمن میں پہلا طیارہ رواں ماہ جبکہ دوسرا طیارہ اگلے ماہ کے اوائل میں پی آئی اے فلیٹ کا حصہ بنے گا۔

دونوں طیارے بالترتیب اے پی بی ایم ایکس اوراے پی بی ایم وائی رجسٹریشن نمبرز کے حامل ہیں۔

خریدے گئے دونوں طیارے اگست 2010سے 2018 تک سعودی ایئر لائن کے زیر استعمال رہے ہیں اور اس وقت ترکی کے دارالحکومت استنبول میں موجود ہیں۔

 طیاروں پر قومی ایئر لائن کی کلر اسکیم کا اطلاق پاکستان آمد پر ہو گا۔

واضح رہے کہ پی آئی اے کئی سال بعد طیارے خریدنے میں کامیاب  ہوا ہے۔گذشتہ کئی سال سے پی آئی اے مالی مشکلات کا شکار تھا۔