ملک کی تاریخ کا سب بڑا مارچ اور دھرنا ہم نے کیا،فضل الرحمان

صفدر کلاسرہ

14th Nov, 2019. 04:51 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

ملک کی تاریخ کا سب بڑا مارچ اور دھرنا ہم نے کیا،فضل الرحمان

جمیعت علمائے اسلام ف کے سربراہ مولانا فضل الرحمان کا کہنا ہے کہ ملک کی تاریخ کا سب بڑا مارچ اور دھرنا ہم نے کیا ہے۔

تفصیلات کے مطابق مولانا فضل الرحما ن نے میڈیا سے گفتگو کر تے ہوئے کہا کہ چوہدری برادران دھرنے کے دوران بھی آتے رہے ہیں، اب بھی نیک نیتی سے آئے ہیں مگر حکومت اپنی ضد پہ ہے۔

مولا نا فضل الرحمان نے دعوی کر تے ہوئے کہا کہ ملک کی تاریخ کا سب بڑا مارچ اور دھرنا ہم نے کیا ہے، ہم ابھی تک احتجاج میں ہیں ،عوام کے فیصلے عوامی نمائندے کریں، ہماری خواہش ہے کہ ملک جمہوری طور پر آگے بڑھے۔

اس دوران چوہدری شجاعت حسین نے کہا کہ یہ پہلا موقع تھا کہ مولوی اور پولیس ایک ساتھ ہوں اور لڑائی نہ ہو اللہ کا شکر ہے کوئی ناخوشگوار واقعہ پیش نہیں آیا۔

چوہدری شجاعت حسین نے مزید کہا کہ مولانا فضل الرحمان کا شکریہ ادا کرنے آیا ہوں۔

انھوں نے کہا کہ ایسا نظام لایا جائے جو عوام کی توقعات پر پورا اترے ، اتنےبڑے جلسے نے واضح کردیا کہ یہ واحد اپوزیشن لیڈر اور جماعت ہے جنھوں نے پرامن دھرنا کیا اور یہ دھرنے میں صفائی بھی خود کرتے ہیں۔