چیئرمین یورپی یونین ملٹری کمیٹی کی نیول ہیڈ کوارٹرز آمد

شعیب برنی

06th Nov, 2019. 11:43 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

چیئرمین یورپی یونین ملٹری کمیٹی کی نیول ہیڈ کوارٹرز آمد

چیئرمین یورپی یونین ملٹری کمیٹی، جنرل کلاڈیو گریزیانو نے نیول ہیڈ کوارٹرز اسلام آباد کا دورہ کیا۔

ترجمان پاک بحریہ کے مطابق نیول ہیڈکوارٹرز آمد پر پاک بحریہ کے سربراہ ایڈمرل ظفر محمود عباسی نے معزز مہمان کا استقبال کیا، اُنہیں روایتی انداز میں گارڈ آ ف آنر پیش کیا گیا۔

معزز مہمان نے نیول ہیڈکوارٹرز میں یادگار شہداء پر پھولوں کی چادر چڑھائی اور اُن کا پرنسپل اسٹاف آفیسرز سے تعارف کرایا گیا۔

چیئرمین یورپی یونین ملٹری کمیٹی، جنرل کلاڈیو گریزیانو نے پاک بحریہ کے سربراہ ایڈمرل ظفر محمود عباسی سے ملاقات کی، جس میں باہمی دلچسپی اور دفاعی تعاون کے اُمور پر بات چیت ہوئی۔

ترجمان پاک بحریہ کا کہنا ہے کہ سربراہ پاک بحریہ نے خطے میں سمندری سلامتی اور امن کو یقینی بنانے اور دہشت گردی کے خلاف جنگ میں پاکستان کے کردار پر روشنی ڈالی۔

جنرل کلاڈیو گریزیانو نے خطے میں بحری سیکیورٹی اور استحکام کے حوالے سے پاک بحریہ کی کوششوں اور عزم کو سراہا۔