چودھری شوگر ملز کیس میں احتساب عدالت کے ڈٰیوٹی جج امجد نذیر نے مریم نواز کی رہائی کی روبکار جاری کر دی۔ لیگی رہنما مریم نواز کی روبکار لے کر کوٹ لکھپت جیل چلے گئے۔

تفصیلات کے مطا بق احتساب عدالت میں مریم نواز کےضمانتی مچلکے پیش کر دیے گئے ، جس کے بعد ہائی کورٹ کے احکامات سمیت مچلکوں کی جانچ پڑتال کی کارروائی شروع کردی گئی ہے ، مریم نواز کی آج رہائی کا امکان ہے۔

ذرائع کے مطا بق چوہدری شوگر ملز منی لانڈرنگ کیس میں مسلم لیگ کی نا ئب صدرمریم نواز کی رہائی کے لئے قانونی تقاضوں کی تکمیل جاری ہے، احتساب عدالت نمبر 5میں مریم نواز کی جانب سے ایک ایک کروڑکے 2 ضمانتی مچلکے پیش کر دیے گئے۔

مچلکے جج امجد نذیر چوہدری کی عدالت میں پیش کیے گئے، سیف الملوک کھوکھر اور ملک فیصل کی جانب سے مچلکے جمع کروائے گئے۔

ذرائع کے مطا بق عدالت نے استفسار کیا کہ ہائیکورٹ میں جمع کرائی گئی 7 کروڑکی رسید کہاں ہے؟ جواب میں عطاتارڑ کا کہنا تھا کہ عدالتی حکم پر پاسپورٹ اوررقم جمع کرا دی ہے

عدالت نے مزید کہا کہ جائیدادکی دستاویز درست ہے ؟ٹاؤٹ مچلکے تو نہیں؟
وکیل نے بتایا کہ سیف الملوک کھوکھررکن صوبائی اسمبلی ہیں اوران کی اپنی جائیدادہے، عدالتی حکم پر7کروڑکی رقم جمع کرادی تھی۔
جس پر عدالت کا کہنا تھا کہ ڈپٹی رجسٹرار ہائی کورٹ کی تحریرمیں 7 کروڑ جمع ہونے کا ذکرنہیں۔

وا ضح رہے کہ مریم نواز کے مچلکوں کی جانچ پڑتال کا عمل شروع کر دیا گیاہے، جس کے بعد مریم نواز کی رہائی کی روبکار جاری کی جائے گی، روبکار جیل پہنچنے کے بعد مریم نواز کی رہائی کا پروانہ بھی جاری ہوگا۔