گورنرپنجاب سے فرانس کے سفیر مارک باریٹی اور جر من سفیربر نارڈ شلک کی مشتر کہ ملاقات ہوئی۔

ملاقات میں دونوں ممالک کے سفیر نے جی ایس پلس سٹیٹس کی تجدید کیلئے پاکستان کی بھر پور حمایت کا اعلان کیا۔

اس موقع پر چوہدری محمد سرور نے جرمن چانسلر کی جانب سے دورہ بھارت میں مسئلہ کشمیر اجاگر کر نے پر جرمن سفیر کا شکر یہ ادا کیا۔

ملاقات کے بعد میڈیا سے گفتگو کرتے ہوئے چوہدری محمد سرور نے کہا کہ فرانس اور جرمنی کے سفیروں سے ملاقات ہوئی ہے جو انتہائی کامیابی رہی، انھوں نے کہا کہ دیگر ممالک سمجھتے ہیں کہ پاکستان میں سرمایہ کاری ہونی چاہیے۔

چوہدری محمد سرور نے کہا کہ ہم نے کرتار پورکوریڈور کھولا ہے، ایک سال پہلے مذہبی سیاحت کی بات کی تھی، آج سکھ سیاحت کو فروغ دیا جا رہا ہے، اگلے سال بدھ میں سیاحت شروع کریں گے، پھر ہندو اور مسیحی سیاحت کو بھی فروغ دیا جائے گا۔

واضح رہے اس سے قبل بھی گوجرانوالہ میں گورنر پنجاب چوہدری سرور نے میڈیا سے گفتگو کرتے ہوئے کہا تھا کہ اپوزیشن نے جو وقت اجتجاج کے لئے چنا ہے وہ مناسب نہیں ہے، اپوزیشن کو حکومت بنانے کیلئے 2023 تک انتظار کرنا پڑے گا۔

چوہدری سرور نے کہا تھا کہ اس وقت حکومت کی توجہ کشمیری عوام کی آواز عالمی دنیا تک پہنچانے پر ہے، کرتار پور راہدری وزیر اعظم کا تاریخی فیصلہ ہے جس کا وہ افتتاح 9 نومبر کو کر رہے ہیں۔

گورنر پنجاب چوہدری سرور نے مزید کہا تھا کہ حکومت عالمی سطح پر ملک کا امیج بہتر کرنے اور ایف اے ٹی ایف سے نتاج حاصل کرنے کی کوشش کر رہی ہے جبکہ اجتجاجی دھرنے کے معاملے حکومت کی مزاکراتی ٹیم کام کر رہی ہے جلد مثبت پیش رفت ہوگی۔