وزیراعظم عمران خان نے کہا ہے کہ مالی خسارے کے باعث روپے کی قدر میں کمی ہوئی، ہمارا سب سے بڑا مسئلہ کرنٹ اکاونٹ خسارہ ہے۔

تفصیلات کے مطابق وزیراعظم عمران خان نے افریقی ممالک کے سفرا کی کانفرنس  سے خطاب کرتے ہوئے کہا کہ کرنٹ اکاونٹ خسارے کی وجہ  سے ملک غریب اورسرمایہ کاری نہیں ہوتی جبکہ کرنٹ اکاونٹ خسارے کے خاتمے کے لیے ایکسپورٹ میں اضافہ ضروری ہے۔

وزیراعظم نے کہا کہ پاکستانی سفیرغیر ملکی سرمایہ کاری لانے کے لیے کردار ادا کررہے ہیں جبکہ ہمارا سب سے بڑا اثاثہ اور سورس بیرون ملک پاکستانی ہیں کیونکہ بیرونی سرمایہ کاری آنے سے کرنٹ اکاونٹ خسارے کا خاتمہ ہوتا ہے۔

عمران خان نے یہ بھی کہا کہ سیاسی بنیادوں پر تعیناتی کی وجہ سے ادارے تباہ ہوئے، خسارہ بڑھنے سے کرنسی گرے گی، منہگائی ہوگی۔

اپنے بیان میں وزیراعظم عمران خان کا کہنا تھا کہ دنیا بھر میں پاکستانی سفیر بہترین مانے جاتے ہیں، کھیل کے دوران دنیا بھر  میں پاکستانی سفیروں سے ملاقات ہوتی تھی۔

عمران خان کا یہ بھی کہنا تھا کہ وقت کے ساتھ ساتھ میرٹ کی بالادستی ختم ہونے سے ادارے کمزور ہوئے جبکہ گزشتہ اداروں میں اہم عہدوں پر نا اہل لوگوں کو تعینبات کیا گیا لیکن ہماری حکومت نے ملک میں میرٹ کو فروغ دیا کیونکہ جمہوریت میں لوگ میرٹ پرآتے ہیں اور چین نے بھی میرٹ کی پالیسی پر عملدرآمد کر کے ترقی کی۔

وزیراعظم نے کہا کہ بادشاہت میں میرٹ نہیں ہوتا ،صلاحیت کونہیں دیکھا جاتا، مغل سلطنت اس لیےختم ہوئی کیونکہ اورنگزیب کےبعدکسی میں صلاحیت نہیں تھی۔

عمران خان نے یہ بھی کہا کہ پاکستان کواللہ تعالیٰ نےبہت سی نعمتوں سے نوازا ہے جبکہ ملک بیرونی سرمایہ کاری بھی آرہی ہے،اسٹاک مارکیٹ میں بھی استحکام ہے اور بہت مشکل سے ہم نےمعیشت کواستحکام کی جانب گامزن کیا۔

عمران خان کا کہنا تھا کہ 60 کی دہائی میں پاکستان کی بیوروکریسی اعلیٰ ترین تھی، جب نیلسن منڈیلاسےملاتو اس نےپاکستان کی بہت تعریف کی، نیلسن منڈیلا نے کہا تھا کہ ہم قائداعظم کوآئیڈیل سمجھتے ہیں۔

وزیراعظم عمران خان کا مزید کہنا تھا کہ افریقی ملکوں میں ایک مشن کے تحت انٹر ہونا ہے،صدرعارف علوی افریقہ جائیں گے،مجھےافریقہ بہت پسند ہے لیکن اس وقت ملک میں میری ضرورت ہے بعد میں افریقہ کادورہ کروں گا۔