ملتان میں میپکو ٹیموں نے ٹاسک فورسز کے ہمراہ بجلی چوروں کے خلاف آپریشن کرتے ہوئے ایک روز میں 176 بجلی چور پکڑلئے۔

ترجمان میپکو نے کہا کہ 2 لاکھ یونٹس بجلی چوری کرنے پر32لاکھ67ہزارروپے جرمانہ عائد کیا گیا جبکہ کاروائی کے دوران 2 بجلی چوروں کے خلاف مقدمہ بھی درج کرا دیئے گئے۔

 واضح رہے اس سے قبل بھی ملتان میں میپکو ٹیموں نے بجلی چوروں کے خلاف آپریشن کرتے ہوئے ایک روز میں 92 بجلی چور پکڑلئے تھے۔

ترجمان میپکو کا کہنا تھا کہ ایک لاکھ سے زائد یونٹس بجلی چوری کرنے پر17لاکھ30ہزار روپے جرمانہ عائد کیا گیا جبکہ ملتان میں 6گھریلو،کمرشل اور دیگر کیٹگریز کے صارفین کو10251یونٹس چوری کرنے پر196359روپے جرمانہ عائد کیا گیا ہے۔

ترجمان میپکو کا یہ بھی کہنا تھا کہ بجلی چوروں کے خلاف کاروائی کے دوران ڈی جی خان میں 13گھریلو صارفین کو16644یونٹس چوری کرنے پر188221روپے جرمانہ، وہاڑی میں 10گھریلو صارفین کو13626یونٹس چوری کرنے پر279476روپے جبکہ بہاولپور میں 5گھریلواورکمرشل صارفین کو7895یونٹس چوری کرنے پر170900روپے جرمانہ اور ساہیوال میں 12 گھریلوصارفین کو11699یونٹس چوری کرنے پر189735روپے جرمانہ عائد کیا گیا ہے۔

ترجمان میپکو کا اپنے بیان میں مزید کہنا تھا کہ کبکہ دیگر شہروں رحیم یار خان میں 9 گھریلوصارفین کو7461یونٹس چوری کرنے پر 130490روپے جرمانہ، مظفرگڑھ میں 12گھریلو اور کمرشل صارفین کو 9472یونٹس چوری کرنے پر 139385روپے جرمانہ جبکہ بہاولنگر میں 9گھریلواورکمرشل صارفین کو7556یونٹس چوری کرنے پر153259روپے جرمانہ اور خانیوال میں 16 گھریلواورٹیوب ویل صارفین کو18728یونٹس چوری کرنے 282336 روپے جرمانہ عائد کیا گیا ہے

یاد رہے کہ اس سے قبل بھی ملتان میں میپکو ٹیموں نے بجلی چوروں کے خلاف آپریشن کرتے ہوئے ایک روز میں 104 بجلی چور پکڑلئے تھے۔

علاوہ ازیں ڈی جی خان میں12گھریلواورکمرشل صارفین،وہاڑی میں14 گھریلو،کمرشل اور ٹیوب ویل صارفین ، بہاولپور میں 4گھریلو صارفین ،ساہیوال میں12 گھریلو صارفین، رحیم یار خان میں 12گھریلو صارفین، مظفر گڑھ میں15 گھریلو صارفین ، بہاولنگرمیں5 گھریلوصارفین جبکہ خانیوال میں20گھریلو اورٹیوب ویل صارفین کو جرمانہ کیا گیا تھا۔