نوازشریف کا سروسزاسپتال میں آج 11واں روز ہے، رپورٹ کے مطابق ان کے پلیٹ لیٹس کی تعداد میں اضافہ ہوا ہے۔

تفصیلات کے مطابق سروسز اسپتال میں میڈیکل بورڈ نے نواز شریف کا طبی معائنہ کیا، میڈیکل بورڈ روزانہ کی بنیاد پرسابق وزیراعظم نواز شریف کا طبی معائنہ کررہا ہے، رپورٹ میں نواز شریف کے پلیٹ لیٹس 55ہزار کاؤنٹ کیے گئے ہیں۔

ذرائع کا کہنا ہے کہ نواز شریف کی حالت میں بہتری آ رہی ہے،دل اور گردوں کی بیماری کے باعث آئی وی آئی جی انجیکشنز کی تھراپی روک دی گئی،نواز شریف کے پلیٹ لیٹس بلغذا فارمولے اور قدرتی طور پر بڑھیں گے، 50 ہزارپلیٹ لیٹس ہونے کے بعد نواز شریف سفر کر سکتے ہیں۔

میڈیکل رپو رٹ کے مطا بق نوازشریف کو ابھی ہسپتال سے ڈسچارج نہیں کیا جاسکتا، علاج جاری ہے، صحت مزید بہتر ہونے پر ڈاکٹروں کے مشورے کے بعد انہیں ڈسچارج بھی کیا جاسکتا ہے۔

نواز شریف کو پلیٹ لیٹس میں بہتری آنا شروع ہو گئی ہے،گزشتہ روز نواز شریف کے پلیٹلیٹس 51 ہزار تک پہنچ گئے، پلیٹلٹس کی بہتری کے لیے نواز شریف کو سٹرائیڈ دئیے جا رہے ہیں جبکہ نواز شریف کو سٹرائیڈ دینے سے ان کا شوگر کا لیول بڑھ رہا ہے، نواز شریف کا گزشتہ روز بلڈ شوگر لیول 200 سے زائد آیا تھا۔

واضح رہے کہ دو دن قبل میڈیکل بورڈ کے ذرائع نے بتایا تھا کہ نواز شریف کے پلیٹ لیٹس کی تعداد 39 ہزار تک پہنچ گئی ہے، آئی وی آئی جی کی انجکشن تھراپی بھی روک دی گئی ہے، نواز شریف 30 ہزار پلیٹ لیٹس میں زندگی گزار سکتے ہیں، مزید بڑھانے کے لیے ادویات دی گئیں تو خطرہ ہو سکتا ہے۔

بورڈ کے مطابق نواز شریف کو بلیڈنگ ہونے کے خطرات اب کم ہیں تاہم دل اور گردوں کے سنگین مسائل ہیں۔