راولپنڈی میں فاروق اعظم روڈ پر واقع لڑکوں کے ہاسٹل میں گیس دھماکا ہوا ہے۔ دھماکےکے نتیجے میں 5 طالبعلم زخمی ہوئےہیں۔

تفصیلات کے مطابق راولپنڈی میں فاروق اعظم روڈ پر واقع بوائز ہاسٹل میں دھماکے میں پانچ طالبعلم زخمی ہوگئے، دھماکے کی اطلاع ملتے ہیں پولیس اور امدادی ٹیمیں جائے وقوعہ پر پہنچ گئی۔

ریسکیو ٹیموں کاکہناہے کہ دھماکاچار منزلہ عمارت کی دوسری منزل پر واقع لڑکوں کے کمرے میں ہوا۔

امدادی ٹیموں کا کہناہے کہ زخمیوں کو فوری طور پر اسپتال منتقل کیا جا چکا ہے جہاں انہیں ایمرجنسی میں طبی امداد مہیا کی جا رہی ہے۔

ریسکیوٹیم کے مطابق دھماکے میں 19 سالہ حنان،24 سالہ انعام،22مبشر،22 سالہ خرم اور 26 سالہ ارسلان زخمی ہوئے۔

پولیس کا کہنا ہے کہ دھماکےکےبعدجائے وقوعہ سے شواہد اکھٹے کیے جا رہے ہیں جس سے دھماکے کی نوعیت کا تعین کیا جائے گا۔

خیال رہے کہ گزشتہ روز بلوچستان کے دارالحکومت کوئٹہ کے علاقے کچلاک بائی پاس روڈ پر بھی سیکورٹی فورسز کی گاڑی کے قریب دھماکےسے3 اہل کار شہید جب کہ متعدد افراد زخمی ہو گئے تھے۔

بم ڈسپوزل اسکواڈ کے مطابق 9 کلو دھماکا خیز مواد موٹر سائیکل میں نصب کیاگیاتھا۔

بم ڈسپوزل اسکواڈ کے مطابق دھماکے میں فورسز کی گاڑی کو نشانہ بنایا گیا۔جس کے بعدپولیس اورریسکیو ٹیمیں جائے وقوعہ پرپہنچ گئیں اور زخمی ہونے والے اہلکاروں کو اسپتال منتقل کیا گیا۔

بعدازاں سیکورٹی فورسز نے علاقے کی ناکہ بندی کر کے سرچ آپریشن بھی کیا۔