آرمی چیف جنرل قمر جاوید باجوہ کی ایرانی صدر حسن روحانی سے ملاقات ہوئی ہے۔

پاک فوج کے شعبہ تعلقات عامہ (آئی ایس پی آر) کے مطابق ایران کے دورے پر موجود آرمی چیف جنرل قمر جاوید باجوہ کی ایرانی صدر حسن روحانی سے  تہران میں ملاقات ہوئی ہے۔

ملاقات  میں خطے کی سیکیورٹی  اور مشترکہ باہمی مفادات سے متعلق تبادلہ خیال کیا گیا۔

اس موقع پر ایرانی صدر نے خطے میں امن کے لیے پاکستان کے کردار اور دہشتگردی کے خلاف پاک فوج کی کامیابیوں کو سراہا۔

Advertisement

COAS called on President of Iran, Hassan Rouhani. Regional security environment and matters of mutual interest discussed. The President appreciated role of Pakistan towards regional peace and successes of Pakistan Army against terrorism. pic.twitter.com/AxVDrnjIan

— DG ISPR (@OfficialDGISPR) November 19, 2019

واضح رہے کہ آرمی چیف جنرل قمر جاوید باجوہ ان دنوں ایران کے سرکاری دورے پر موجود ہیں۔

آج اس سے قبل آرمی چیف   جنرل قمر جاوید باجوہ کی ایرانی سپریم نیشنل سیکیورٹی کونسل  کے سربراہ ایڈمرل علی شامخانی اور ایرانی سپہ سالار میجر جنرل عبدالرحیم موسوی سے  بھی تہران میں  ملاقات ہوئی تھی۔

ملاقاتوں میں باہمی عسکری تعلقات ،خطےکی سیکیورٹی صورتحال سمیت دفاعی تعاون پر بات چیت کی گئی تھی۔