نمرتاکماری ہلاکت،نادراکی جاری کردہ فنگرپرنٹ رپورٹ مل گئی

شیراز محمود پٹھان

23rd Nov, 2019. 11:14 am
شيئر
- Font size
  - Small
  - Medium
  - Large
- Dark Mode
- Save
- Print
- 1
  Comments

آرٹیکلز

Now Reading:

نمرتاکماری ہلاکت،نادراکی جاری کردہ فنگرپرنٹ رپورٹ مل گئی

نمرتاکماری ہلاکت کیس میں پولیس کی جانب سےپیش کردہ فنگر پرنٹس کی نادرا بھی شناخت نہ کرسکی۔

تفصیلات کےمطابق بی بی آصفہ ڈینٹل کالج میں فائنل ایئر کی طالبہ نمرتاہلاکت کیس میں نادرا کی جاری کردہ فنگر پرنٹ رپورٹ مل گئی ہے ۔

واقعے کے جوڈیشنل انکوائری افسر ڈسٹرکٹ اینڈ سیشن جج اقبال حسین میتلو کو بھی نادرا رپورٹ جمع کروائی جا چکی ہے۔ جس میں کسی قسم کا کوئی ٹھوس ثبوت نہیں مل پایا۔

رپورٹ کےمطابق پولیس کی جانب سےپیش کی گئی جائے وقوعہ سے جمع شدہ فنگر پرنٹس کا معیار انتہائی ناقص ہے، جس کی وجہ سے سے ان فنگر پرنٹس کا نادرا کے پاس موجود بائیو ڈیٹا سے کراس میچ نہیں ہوپایا۔

رپورٹ میں کہاگیاکہ واقعے کے بعد متعدد افراد کے جائے وقوعہ پر آنے کے باعث فنگر پرنٹس کو نقصان ہوا، یونیورسٹی انتظامیہ واقعے کے فوری بعد اگر جائے وقوعہ کومحفوظ بنا لیتی توفنگرپرنٹس میچ ہوسکتے تھے۔

دوسری جانب پولیس کی جانب سے نادرا کو ایک ماہ کی تاخیر سے فنگرپرنٹس میچنگ بھیجے جانےکا بھی کا انکشاف ہوا ہے۔

Catch all the Business News, Breaking News Event and Latest News Updates on The BOL News