آرمی چیف جنرل قمر جاوید باجوہ نے آرمرڈ کور سنٹر نوشہرہ کا دورہ کیا، اس موقع پر انھوں نے متعدد اہم ملاقاتیں بھی کی۔

پاک فوج کےشعبہ تعلقات عامہ (آئی ایس پی آر)کیجانب سے جاری بیان میں کہا گیا ہے کہ نوشہرہ کے دورے میں آرمی چیف جنرل قمر جاوید باجوہ نے لیفٹیننٹ جنرل سرفراز ستار کوکرنل کمانڈنٹ آف آرمرڈ کور کے بیجز لگائے۔

ترجمان آئی ایس پی آر کا کہنا تھا کہ اس موقع پرسبکدوش کرنل کمانڈنٹ آف آرمرڈ کور لیفٹیننٹ جنرل (ر) نوید مختار، آرمرڈ کور کے شہداء کی فیملیز، حاضر سروس و ریٹائراد سپاہیوں اور دیگر افسران نے بھی تقریب میں شرکت کی۔

ترجمان آئی ایس پی آر کا مزید کہنا تھا کہ جنرل قمر جاوید باجوہ نے روایتی و غیر روایتی جنگوں میں آرمرڈ کور کے کردار کو سراہا اور آرمرڈ کور سنٹر میں یادگار شہداء پر پھولوں کی چادر بھی چڑھائی۔

واضح رہے کہ گزشتہ روز پاک فوج کے شعبہ تعلقات عامہ(آئی ایس پی آر) کی جانب سے جاری بیان میں کہا گیا تھا کہ جنرل قمر جاوید باجوہ سے آسٹریلوی ہائی کمشنر  ڈاکٹر جیوفری شا نے جنرل ہیڈ کوارٹرز (جی ایچ کیو) راولپنڈی میں ملاقات کی تھی۔

ملاقات میں علاقائی سلامتی اوردو طرفہ تعاون سے متعلق امور پر بات چیت کی گئی تھی۔

اس سے قبل بھی جنرل قمر جاوید باجوہ نسے چین کی پیپلز لبریشن آرمی کے نائب کمانڈر اور ایرانی سفیر مہدی ہنر دوست نے بھی الگ الگ ملاقات کی تھی۔

آرمی  چیف کی چینی لبریشن آرمی کے نائب کمانڈر سے ملاقات میں باہمی دلچسپی اور دونوں افواج کے تعاون سے متعلق امور  اور آرمی ٹو آرمی اسٹاف مذاکرات پر بات چیت ہوئی تھی۔

دوسری جانب  سبکدوش ہونے والے ایرانی سفیر مہدی ہنر دوست  سےملاقات میں آرمی چیف نے ان کی پاکستان میں خدمات کا شکریہ ادا کیا اور پاک ایران تعلقات بہتر بنانے کی کوششوں کو  بھی سراہا۔